Kókoskúlur

aIMG_6067

Þessa uppskrift ætlaði ég að vera lööööööngu búin að setja hingað inn. Það er alveg magnað hvað kókoskúlur slá alltaf í gegn og mesta furða maður útbúi þær ekki oftar.  Ég tók tímann á dætrum mínum í gærkvöldi þegar þær voru að búa kúlurnar til og þetta tók þær ekki nema hálftíma og þá fóru þær í ísskápinn í kælingu. Ef ykkur vantar eitthvað skemmtilegt að gera eftir skóla eða með kvöldkaffinu þá er þetta tilvalið.

Kókoskúlur

  • 200 gr smjör við stofuhita
  • 1 dl sykur
  • 1 dl púðursykur
  • 2 tsk vanilludropar
  • 4 msk bökunarkakó
  • 6 dl haframjöl
  • 3 msk kælt kaffi (má sleppa en gott að setja þá 3 msk af vatni til að blandan verði ekki of þurr)
  1. Setjið allt saman í skál og hnoðið saman með höndunum eða með K-inu.
  2. Mótið litlar kúlur og rúllið upp úr kókosmjöli.
  3. Kælið í að minnsta kosti klukkustund.
  4. Best er síðan að eiga kúlurnar í frysti/kæli og taka nokkrar út í einu.

aIMG_6066



Skildu eftir skilaboð

Netfang þitt mun ekki vera birt

Current month ye@r day *