Mini bláberja skyrkökur

Þessar dúllur eru alveg dúndur góðar get ég sagt ykkur og tilvalinn og sumarlegur eftirréttur!

Mini bláberja skyrkökur

Botn

  • 300 gr Digestive kex
  • 50 gr brætt smjör

Skyrblanda

  • 1 x KEA skyr með vanillubragði (stór dós)
  • 500 ml rjómi

Bláberjasósa

  • 250 gr bláber
  • 50 ml vatn
  • 3 msk sykur
  • ½ tsk sítrónusafi
  • ½ tsk vanilludropar
  1. Botn: Myljið kexið (setjið í matvinnsluvél) og hellið bræddu smörinu yfir og hrærið saman. Leyfið að kólna á meðan bláberjasósan er útbúin.
  2. Bláberjasósa: Setjið öll hráefnin í pott og leyfið suðunni að koma upp, lækkið þá niður í meðalhita, hrærið vel í þar til sósan fer að þykkna (tekur um 10 mínútur). Setjið sósuna til hliðar og leyfið henni að kólna aðeins á meðan þið útbúið skyrblönduna.
  3. Skyrblanda: Þeytið rjómann og vefjið vanilluskyrinu saman við.
  4. Samsetning: Setjið um 2 msk af kexmylsnu í hvert glas, því næst skyrblöndu og síðan bláberjasósu þar ofan á, skreytið með ferskum bláberjum.

Einnig væri hægt að raða skyrkökunni saman í eina stóra skál ef þið kjósið.



Skildu eftir skilaboð

Netfang þitt mun ekki vera birt

Current month ye@r day *