Gotterí og gersemar
Generic selectors
Exact matches only
Search in title
Search in content
Leit í bloggum
Leit á síðum
Leita eftir flokkum
Á grillið
Afmæli
Bakstur
Bollakökur
Brúðkaup
Eftirréttir
Ferming
Gotteri
Hollusta
Hrekkjavaka
Ís
Jól
Kökupinnar
Kökur
Matur
Námskeið
Páskar
Salöt, Sósur og Meðlæti
Smáréttir
Sumar
Tilefni
Uppskriftir
Veislur

Göldróttir kökupinnar



Hægt er að útbúa ýmislegt sniðugt fyrir Hrekkjavökuna og eru þessir kökupinnar alls ekki eins flóknir í framkvæmd eins og þeir líta út fyrir að vera 🙂

Galdrapottar 

Hvað þarf til?

  • Kældar kökukúlur (Hægt að nota hvaða blöndu sem er svo bakið þá köku sem ykkur þykir góð)
  • Svart Candy-Melts
  • Grænt smágert nammi (að þessu sinni notaði ég Nerds nammi en einnig er hægt að nota grænt kökuskraut)
  • Eggjahvítuglassúr í svörtu, grænu, rauðu og appelsínugulu
  • Kökupinnaprik
  • Frauðplast

Aðferð

  1. Útbúið eggjahvítuglassúr. Þeytið saman 3 eggjahvítur og 500gr af flórsykri þar til þykkt og fínt. Skiptið niður í 4 litlar skálar og litið í svörtu, grænu, rauðu og appelsínugulu. Setjið í litla zip-lock poka og klippið pínulítið gat á endann eða notið sprautupoka og fíngerða stúta (ég notaði Wilton stúta númer 2 og 5 í þetta skiptið). Setjið plastfilmu yfir endann á meðan glassúrinn er ekki í notkun því hann harðnar fljótt og sprautan gæti stíflast.
  2. Bræðið hjúpinn og hafið nammi, kökupinnaprik og frauðplast tilbúið.
  3. Dýfið kúlunni í hjúpinn, látið leka örlítið af  henni og setjið því næst á hvolfi á bökunarpappír. Með þessu móti myndast „kantur“ fyrir pottinn sem skreyttur verður síðar, látið storkna.
  4. Sprautið eldinum á botninn á galdrapottinum með því að hafa hann á hvolfi fyrir framan ykkur, byrjið á rauða glassúrnum, leyfið að storkna örlítið og setjið því næst þann appelsínugula. Mótið loga eins og ykkur þykja fallegir.
  5. Sprautið haldföng á sitthvora hliðina á pottinum með svörtum glassúr með því að teikna litla hringi.
  6. Sprautið vel af grænum glassúr á toppinn og áður en hann storknar þarf að strá grænu nammi/kökuskrauti yfir.
  7. Stingið í frauðplast og leyfið að storkna alveg áður en geymt er.

Aðrar spennandi færslur

3 Replies to “Göldróttir kökupinnar”

  1. Sæl
    Mikið er þetta allt fallegt hjá þér. Mig langar til að vita hvar þú færð þetta hráefni sem þú nefnir eins og t.d. Candy-Melts og Nerds nammi
    Kveðja
    Sigríður

    1. Sæl Sigríður og takk fyrir hrósið

      Mikið af hráefni fyrir kökupinna hef ég keypt í Kosti hingað til. Nerds nammi er amerískt og fæst einnig þar, annars er hægt að nota annað grænt kökuskraut/perlur líka 🙂

      Vona þetta hafi hjálpað
      Kv.Berglind

Skildu eftir svar

Netfang þitt verður ekki birt. Nauðsynlegir reitir eru merktir *

Fylgstu með á Facebook

Fylgstu með á Instagram

Fylgstu með í tölvupósti


Nýlegar færslur