Gotterí og gersemar
Generic selectors
Exact matches only
Search in title
Search in content
Leit í bloggum
Leit á síðum
Leita eftir flokkum
Á grillið
Afmæli
Bakstur
Bollakökur
Brúðkaup
Eftirréttir
Ferming
Gotteri
Hollusta
Hrekkjavaka
Ís
Jól
Kökupinnar
Kökur
Matur
Námskeið
Páskar
Salöt, Sósur og Meðlæti
Smáréttir
Sumar
Tilefni
Uppskriftir
Veislur

Kökupinnaköngulær



Könglær – kökupinnar

Hvað þarf til?

  • Kældar kökukúlur (Hægt að nota hvaða blöndu sem er svo bakið þá köku sem ykkur þykir góð)
  • Svart Candy-Melts
  • Lakkrís klipptan í ræmur (mér fannst gott að notaGammeldags Lakrids því það er hægt að klippa eftir rákunum í honum og fá þessar fínu fætur á köngulónna)
  • Rautt nammi fyrir augu (ég notaði Sixlets kökuskraut að þessu sinni en eins er hægt að nota rautt Smarties/M&M)
  • Kökupinnaprik
  • Frauðplast

Aðferð

  1. Klippið niður lakkrísinn. 8 fætur og 2 styttri bútar (1 fótur klipptur í tvennt) eru á hverri köngló.
  2. Bræðið hjúpinn og hafið nammi, kökupinnaprik og frauðplast tilbúið.
  3. Stingið prikinu í hjúpinn og í miðja kúluna (ekki lengra en hálfa leið þó) og kælið/látið storkna við stofuhita. Þessa aðferð er í raun hægt að nota alltaf til að koma í veg fyrir að kúlan detti af prikinu en eina sem gerist er að það myndast smá kantur neðst við prikið. Þar sem mér finnst það leiðinlegra nota ég þessa aðferð aðallega með börnum og ef  mikið á eftir að eiga við kúluna eins og í þessu tilviki (stinga lakkrísfótum í hana alla).
  4. Dýfið kúlunni í hjúpinn samkvæmt grunnskrefum í kökupinnagerð.
  5. Um leið og það hættir að leka af kúlunni þarf að hafa hraðar hendur og stinga 8 lakkrísfótum inn í kúluna þannig að þeir fari í gegnum hjúpinn og örlítið inn í kúluna sjálfa, 2 styttri bútum fremst og svo auðvitað augunum. Ef þið lendið í því að hún storknar of hratt má bæta örlítið meira af olíu í hjúpinn og einnig er hægt að líma augun á eftirá með því að setja smá súkkulaði á botninn og festa við.
  6. Teiknið augasteina í augun með tannstöngli og smá svörtu Candy Melts.
  7. Stingið í frauðplast og leyfið að storkna alveg áður en geymt er.

 

Aðrar spennandi færslur

One Reply to “Kökupinnaköngulær”

Leave a Reply

Your e-mail address will not be published. Required fields are marked *

Nýlegar færslur

Vinsælar færslur

Fylgstu með á Instagram