Gotterí og gersemar

Pekanhnetudraumur



Þessi kaka er syndsamlega góð og slær hún alltaf í gegn þegar hún er borin á borð á þessu heimili. Ég man ekki hjá hverjum ég fékk þessa uppskrift á sínum tíma en um síðustu helgi fann ég að kominn var tími til að endurnýja kynni bragðlaukanna við þessa dásemd.

Verði ykkur að góðu 🙂

Kakan

  • 80 gr smjör
  • 100 gr suðusúkkulaði
  • 3 dl sykur
  • 3 egg
  • 1 ½ dl hveiti
  • 1tsk salt
  • 1tsk vanilludropar

Pekanhnetu karamellubráð

  • 100gr pekanhnetur (saxaðar)
  • 1 dl púðursykur
  • 80gr smjör
  • 3msk rjómi

Kakan aðferð

  1. Hitið ofninn í 175 gráður
  2. Bræðið saman suðusúkkulaði og smjör við vægan hita, geymið.
  3. Þeytið saman egg og sykur þar til létt og ljóst.
  4. Hellið súkkulaðiblöndunni samanvið eggjablönduna, bætið vanilludropum í og hrærið saman.
  5. Sáldrið þurrefnunum (hveiti og salti) samanvið og hrærið rólega og skafið niður á milli þar til vel blandað.
  6. Smyrjið ferkantað form (um 23x23cm) eða spreyið með matarolíu og leggið bökunarpappír í botninn og upp hliðarnar (auðveldara að ná henni úr þannig og skera í bita).
  7. Hellið deiginu í og bakið í 15-17 mínútur

Útbúið pekanhnetubráðina á meðan…

  1. Saxið pekanhneturnar
  2. Setjið púðursykur, rjóma og smjör í pott og bræðið, leyfið að sjóða í um eina mínútu og hrærið vel í á meðan, geymið.
  3. Þegar kakan hefur verið inni í ofninum 15-17 mínútur takið þið hana út, stráið pekanhnetunum yfir og hellið því næst karamellubráðinni jafnt yfir allt.
  4. Bakið að nýju í 15-17 mínútur.

Hægt er að bera kökuna fram heita eða kalda. Ef skera á í bita er nauðsynlegt að kæla hana vel og notast við bökunarpappír í forminu til að auðveldara sé að ná henni úr.

Kakan er best með ís eða rjóma…já eða bæði 🙂

One Reply to “Pekanhnetudraumur”

Leave a Reply

Your email address will not be published. Required fields are marked *

Fylgstu með á Instagram