Muffins með súkkulaðibitum

Eldri dóttur minni finnst mikið gaman að gramsa í uppskriftarbókum í eldhúsinu. Gamla „Matreiðslubókin mín og Mikka“ sem ég er eflaust búin að eiga síðan ég var á hennar aldri stendur fyrir sínu og kemur þessi uppskrift úr hennar smiðju.

Muffins dverganna sjö með súkkulaðibitum uppskrift

• 50gr bráðið smjörlíki
• 1 dl sykur
• 1 egg
• 3 dl hveiti
• 2 tsk lyftiduft
• 1 dl mjólk
• 1 tsk vanilludropar
• 1 dl smátt saxað súkkulaði

Aðferð

1. Hitið ofninn 175°C.
2. Bræðið smjörlíkið við vægan hita.
3. Setjið smjörlíki og sykur því næst í skál og blandið saman.
4. Bætið egginu við blönduna og hrærið stutta stund.
5. Hellið mjólkinni og vanilludropunum útí.
6. Sáldrið  hveiti ásamt lyftidufti útí skálina og blandið vel.
7. Blandið söxuðu súkkulaðinu saman við með sleif og skiptið í pappírsmót (dugar í um 12 stk).

Okkur þykir gott að setja þykk bollaköku/muffinsdeig í sterkan zip-lock poka og klippa hæfilega stórt gat á eitt hornið, þannig er hægt að sprauta deigi beint í miðjuna á öllum formunum.

Allt hráefni í þessa uppskrift fæst í Nettó

Aðrar spennandi færslur

Bollakökur og hvítt súkkulaði

Súkkulaði og banana bollakökur

Bollakökur með dásamlegu súkkulaðikremi

Bollakökur með Toblerone bitum

Færslur frá sama flokki

Bláberjamúffur

Dumle bollakökur

Hollar bananamúffur

Vanillu bollakökur