Hindberjadraumur



Hér er á ferðinni hindberja og vanillu ostakaka í litlum glösum.

Þetta er klárlega einn af betri eftirréttum sem ég hef útbúið og held ég þessi sé kominn efst á óskalistann fyrir komandi matarboð. Ekki skemmir síðan fyrir að hann er ótrúlega fljótlegur og einfaldur, tók mig innan við klukkutíma að útbúa hann og ganga frá öllu í fyrstu tilraun.

Hindberjadraumur

  • ¾ pk Lu digestive kex
  • 40 gr smjör
  • 500 ml þeyttur rjómi
  • 300 gr Philadelphia rjómaostur (við stofuhita)
  • 1,5 dl flórsykur
  • 2 tsk vanillusykur
  • 4 dl frosin hindber (afþýdd) (eða fersk)
  • Fersk Driscolls hindber til skrauts

  1. Myljið kexið í matvinnsluvél/blandara/með kökukefli.
  2. Bræðið smjörið og blandið saman við kexið og setjið til hliðar.
  3. Þeytið rjómann upp í topp og geymið.
  4. Þeytið saman rjómaost, flórsykur og vanillusykur þar til létt.
  5. Blandið þeytta rjómanum varlega saman við rjómaostablönduna.
  6. Skiptið blöndunni í tvær skálar, 2/3 í aðra og 1/3 í hina.
  7. Maukið afþýddu hindberin í blandara og hrærið varlega saman við 2/3 af rjómaostablöndunni með sleif.

Samsetning

(8-10 glös, fer eftir stærð)

  1. Setjið kúfaða matskeið af kexmylsnu í botninn á hverju glasi.
  2. Setjið bleiku blönduna í sprautupoka, klippið um 2 cm gat á pokann og skiptið á milli glasanna, gott er að jafna úr blöndunni með lítilli skeið svo hún verði þétt og falleg í glasinu.
  3. Setjið hvítu blönduna í sprautupoka og skiptið einnig á milli glasanna og þéttið.
  4. Skreytið með hindberjum og kælið.

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun