Gotterí og gersemar

Bláberjastangir



Nú er komið sumar og allir á ferð og flugi. Þessar stangir útbjó ég um daginn og passa vel í nestistöskuna hjá ungum sem öldnum.

Bláberjastangir (uppskrift frá All Recipes)

  • 180 gr sykur (1)
  • 1 tsk lyftiduft
  • 400 gr hveiti
  • 220 gr smjör við stofuhita
  • 1 egg
  • ¼ tsk salt
  • Börkur og safi úr einni sítrónu
  • 500 gr fersk bláber
  • 90 gr sykur (2)
  • 4 tsk kartöflumjöl

Bláberjastangir

  1. Blandið sykri, lyftidufti og hveiti saman í skál.
  2. Setjið salt og sítrónubörk út í og blandið saman.
  3. Bætið þá egginu og smjörinu og hrærið með K-inu eða í höndunum þar til vel blandað.
  4. Setjið fersk bláber, sítrónusafa og kartöflumjöl í aðra skál og veltið berjunum upp úr blöndunni og leggið til hliðar.
  5. Spreyið um 20x30cm bökunarform með PAM og klæðið bökunarpappír.
  6. Þjappið helmingnum af deigblöndunni í botninn á forminu, hellið berjablöndunni þar yfir og myljið svo restina af deiginu yfir berin.
  7. Bakið við 180°C í um 45 mínútur eða þar til bakan fer að brúnast að ofan.
  8. Kælið og lyftið upp úr forminu til að skera í bita.

Hluti af stöngunum fór í box og inn í frysti og þar var hægt að ná í eina og eina eftir hentugleika.

Leave a Reply

Your email address will not be published. Required fields are marked *

Fylgstu með á Instagram