Gotterí og gersemar
Generic selectors
Exact matches only
Search in title
Search in content
Leit í bloggum
Leit á síðum
Leita eftir flokkum
Á grillið
Afmæli
Bakstur
Bollakökur
Brúðkaup
Eftirréttir
Ferming
Gotteri
Hollusta
Hrekkjavaka
Ís
Jól
Kökupinnar
Kökur
Matur
Námskeið
Páskar
Salöt, Sósur og Meðlæti
Smáréttir
Sumar
Tilefni
Uppskriftir
Veislur

Mini pavlour með lakkrískeim



 

Þessar pavlour útbjó ég á Þrettándanum til að hafa í eftirrétt þegar við fjölskyldan komum saman. Við stelpurnar skelltum okkur á Þrettándabrennu hér í Mosó með Anítu frænku og svo var boðið upp á Pulled Pork með krullufrönskum, beikoni, hrásalati og öllu tilheyrandi enda kærkomin tilbreyting frá hátíðarmatnum!

Þessar sjúklega góðu pavlour voru síðan í eftirrétt og það voru nokkrir lakkrísunnendur í hópnum sem gátu alveg borðað meira en eina sko, nefnum engin nöfn 🙂

Pavlour

  • 6 eggjahvítur
  • 4 dl sykur
  • ½ msk sítrónusafi
  • 1 tsk vanilludropar
  • 2 msk Hockey Pulver
  1. Þeytið eggjahvítur stutta stund og bætið sykrinum saman við smátt og smátt.
  2. Þegar topparnir halda sér og blandan orðin stífþeytt er sítrónusafa og Hockey Pulver blandað varlega saman við.
  3. Blandan er sett í stóran sprautupoka og notaður er stútur 1M frá Wilton (eða annar sambærilegur) til þess að sprauta Pavlournar á bökunarpappír á bökunarplötu. Fyrst er botninn þakinn og því næst tekinn annar hringur ofan á (í raun tvær hæðir).
  4. Síðan má búa til smá „holu“ í miðjuna til að nóg pláss sé fyrir rjómann.
  5. Stráið smá Hockey Pulver yfir hverja köku áður en hún fer í ofninn (magn er smekksatriði).
  6. Bakið við 110°C í 1 klst og 10 mínútur, slökkvið þá á ofninum og leyfið pavlounum að kólna með ofninum í að minnsta kosti klukkustund (þannig fellur marengsinn síður).

Rjómi og skraut

  • 400 ml rjómi
  • 2 msk sykur
  • Hindber til skrauts
  • Lakrits FIKA með kaffe (um ½ dós)
  1. Þeytið rjómann með sykrinum þar til hann er stífþeyttur.
  2. Setjið í sprautupoka og sprautið ríkulega af rjóma á hverja köku.
  3. Skreytið með hindberjum og lakrits FIKA með kaffe og „drisslið“ síðan lakkríssósu yfir allt (sjá uppskrift hér að neðan).

Lakkríssósa

  • 1 poki Nóa lakkrískúlur (150 gr)
  • ¾ dl rjómi
  1. Setjið kúlur og rjóma í pott og hitið á meðalháum hita þar til bráðið og hrærið vel í allan tímann.
  2. Leyfið að kólna stutta stund (við það þykkist sósan líka) og „drisslið“ síðan ríkulega af sósu  yfir hverja pavlou.

Ég fékk þessa lakkrísmola að gjöf rétt fyrir jólin og það sem þeir voru góðir!

Tags:

Skildu eftir svar

Netfang þitt verður ekki birt. Nauðsynlegir reitir eru merktir *

Fylgstu með á Facebook

Fylgstu með á Instagram

Fylgstu með í tölvupósti


Nýlegar færslur