Gotterí og gersemar

Ostakúla með beikoni og pekanhnetum



⌑ Samstarf ⌑

Mig hefur lengi langað til þess að útbúa svona ostakúlu. Svona lagað var mikið í tísku hér á árum áður og mér fannst tilvalið að gera tilraun í þessum efnum fyrir áramótin og mæli ég með að þetta verði tekið upp að nýju við ýmis tilefni, algjörlega frábær partýréttur.

Ostakúla með beikoni og pekanhnetum uppskrift

  • 2 x 400 gr rjómaostur frá Gott í matinn
  • 1 poki dressing mix sommer
  • 50 gr rifinn Cheddar ostur
  • 40 gr smátt saxaður vorlaukur
  • 80 gr (c.a 12 sneiðar) stökkt beikon, mulið
  • 120 gr saxaðar pekanhnetur

Aðferð

  1. Setjið rjómaost og dressing mix saman í hrærivélina og hrærið með K-inu þar til vel blandað. Dressing mix fæst í flestum matvöruverslunum og er þar sem salatdressingarnar eru.
  2. Bætið Cheddar osti, vorlauk (geymið samt um 1 msk til að setja utan á) og helmingnum af beikoninu saman við og blandið áfram.
  3. Setjið plastfilmu á borðið og setjið rjómaostablönduna ofan á. Vefjið plastinu utan um og myndið kúlu með því að þrýsta ostablöndunni saman. Kælið í að minnsta kosti klukkustund því það er auðveldara að rúlla kúlunni upp úr pekanhnetum þegar osturinn er aðeins stífari.
  4. Hellið pekanhnetum, restinni af beikoninu og 1 msk af söxuðum vorlauk í skál og hristið saman.
  5. Takið rjómaostakúluna því næst úr plastinu og rúllið upp úr hnetublöndunni þar til vel hjúpuð. Færið þá yfir á fallegan disk og berið fram. Kúluna má einnig plasta og geyma í kæli þar til hún verður borin fram.
  6. Berið fram með góðu kexi eða brauði.

Tags:

Leave a Reply

Your email address will not be published. Required fields are marked *

Fylgstu með á Instagram