Gotterí og gersemar

Pizza með ostabotni



⌑ Samstarf ⌑
Ketopizza

Á dögunum útbjó ég nokkrar girnilegar ketó uppskriftir fyrir Gott í matinn. Það var hún Solla vinkona mín sem er með Facebook síðuna Maturinn minn sem blessaði þær fyrir mig áður en ég þorði að segja þær væru 100% ketó þar sem þetta er klárlega ekki mín sterkasta hlið en hún er alveg með þetta á hreinu!

Þrátt fyrir að ég sé algjör kolvetnagrís verð ég að segja að þessi pizza var algjört dúndur og sló í gegn hjá öllum fjölskyldumeðlimum. Þessi uppskrift hentar því bæði þeim sem eru lágkolvetnamegin í lífinu sem og öðrum!

Pizza með ostabotni uppskrift

Botn

  • 200 gr rifinn Óðals Cheddar ostur

Álegg

  • 500 gr nautahakk
  • Krydd: Chiliduft, paprikukrydd, salt, pipar, hvítlauksduft
  • Iceberg
  • Rifinn Óðals Cheddar ostur
  • Sýrður rjómi frá Gott í matinn
  • Guacamole
  • Salsasósa
  • Ferskt kóríander
  1. Hitið ofninn 220°C
  2. Skerið niður grænmeti, rífið ost og hafið guacamole, salsasósu og kóríander tilbúið.
  3. Skiptið rifna ostinum (200 gr) niður í 6 hluta og mótið hringlaga „pizzabotn“ úr hverjum skammti.
  4. Bakið í 10 mínútur og leyfið að kólna/storkna á meðan annað er útbúið.
  5. Brúnið nautahakkið og kryddið.
  6. Hellið 50 ml af vatni saman við og leyfið að malla í 5-10 mínútur og setjið þá til hliðar.
  7. Setjið pizzuna saman: Salsa ofan á ostabotninn, því næst hakk, síðan kál, rifinn ost, sýrðan rjóma,  guacamole og kóríander.
Ostapizza

Leave a Reply

Your email address will not be published. Required fields are marked *