Gotterí og gersemar

Marengsskál



Marengs

Það hefur líklega ekki farið framhjá nokkrum manni að ég elska marengs, hvort sem hann er í formi tertu, pavlovu, einn og sér eða hvað sem er.

Eftirréttur

Að þessu sinni var ég að baka fullt af toppum fyrir dessertstandinn minn en þurfti svo ekki að nota alla svo ég skellti restinni í eftirrétt fyrir matarboð sem var þá um kvöldið og hér kemur uppskriftin fyrir ykkur.

Marengsskál uppskrift

  • 3 eggjahvítur
  • 3 dl púðursykur
  • 350 ml þeyttur rjómi
  • 2 lakkrísrör í sneiðum
  • 40 g saxað suðusúkkulaði
  • Súkkulaðikossar
  1. Hitið ofninn 110°C
  2. Þeytið eggjahvítur og púðursykur upp í topp.
  3. Setjið í sprautupoka með stórum hringlaga stút (um 2 cm í þvermál) og sprautið toppa á tvær bökunarplötur.  
  4. Bakið í um 45 mínútur og leyfið helst að kólna með ofninum (þá falla þeir síður).
  5. Raðið síðan kældum toppum í botninn á skál sem er um 20cm í þvermál (má alveg vera aðeins stærri samt, uppskriftin dugar í það).
  6. Smyrjið þeytta rjómanum yfir og stráið smá suðusúkkulaði og lakkrís yfir.
  7. Raðið þá öðru lagi af marengstoppum yfir rjómann og stráið aftur suðusúkkulaði, lakkrís og einnig súkkulaðikossum.
  8. Gott er að kæla í að minnsta kosti 2-3 klukkustundir áður en bera á fram.
  9. Athugið að hægt er að skipta lakkrísrörum og suðusúkkulaði út fyrir tilbúið lakkrískurl með súkkulaði, ég átti hitt bara til og notaði það því.
Púðursykurmarengs

Tags:

Leave a Reply

Your email address will not be published. Required fields are marked *

Fylgstu með á Instagram