Gotterí og gersemar

Krakkavænn karrýfiskur



⌑ Samstarf ⌑
Fiskur í karrý

Ef það er eitthvað sem stelpurnar mínar elska þá er það fiskur í karrý! Hér er á ferðinni ofureinföld uppskrift af slíkum og hægt að ganga frá öllu og leggja á borð á meðan fiskurinn er í ofninum.

Karrýfiskur í ofni

Ekta matur til að hafa í miðri viku!

Karrýfiskur í ofni

Krakkavænn karrýfiskur

Fyrir 4-5 manns

  • 800 g þorskhnakkar
  • 30 g smjör
  • ½ laukur
  • 1 msk. karrý
  • Salt, pipar, cheyenne pipar eftir smekk
  • 1 msk. fiski- eða humarkraftur
  • 500 ml rjómi frá Gott í matinn
  • 100 ml súrmjólk
  • Maizena mjöl
  • Rifinn gratínostur frá Gott í matinn
  1. Hitið ofninn í 180°C.
  2. Skolið og þerrið fiskinn, skerið hnakkana í 2-3 cm bita og raðið í botninn á eldföstu móti, kryddið með salti og pipar.
  3. Saxið laukinn mjög smátt (þannig finna börn ekki fyrir því það sé laukur en hann gefur svo gott bragð í réttinn).
  4. Steikið laukinn upp úr smjörinu við meðalhita þar til hann mýkist og kryddið með karrý, salt og pipar.
  5. Bætið þá rjóma, krafti og súrmjólk á pönnuna, náið upp suðunni og þykkið með maizenamjöli.
  6. Kryddið til með cheyenne pipar, salti, pipar og krafti eftir smekk.
  7. Hellið yfir fiskinn í fatinu, setjið vel af rifnum gratínosti yfir og bakið í um 30 mínútur.
  8. Gott er að bera fiskinn fram með soðnum hrísgrjónum.
Karrýfiskur í ofni

Megið endilega fylgja Gotterí líka á INSTAGRAM

Leave a Reply

Your email address will not be published. Required fields are marked *

Fylgstu með á Instagram