Gotterí og gersemar banner

Partýréttur á grillið



Shrimp boil foil pack eða rækjur á grillið, hreinn partýmatur með Tígristækjum frá Sælkerafiski

Þegar við bjuggum í Bandaríkjunum var þessi réttur víða vinsæll, hvort sem það var á útihátíðum, í „potlucks“ eða hverju sem er. Ég hef aldrei útbúið hann sjálf áður en hér kemur íslensk útgáfa af „Shrimp boil foil pack“ eins og þetta er oft kallað vestanhafs. Ég gat ómögulega íslenskað þetta nafn svo rétturinn fékk heitið „Partýréttur á grillið“ hér á blogginu. Þetta er skemmtileg blanda af hráefnum og almáttugur hvað þetta fór allt vel saman og allir í fjölskyldunni voru sammála um að gera þennan rétt fljótt aftur!

Shrimp boil foil pack eða rækjur á grillið, hreinn partýmatur með Tígristækjum frá Sælkerafiski

Kartöflur og pylsur minntu mig pínu á „bixímatinn“ hennar mömmu síðan í gamla daga og maís og rækjur gáfu þessu sumarlegra ívaf.

Shrimp boil foil pack eða rækjur á grillið, hreinn partýmatur með Tígristækjum frá Sælkerafiski

Partýréttur á grillið

Fyrir um 4 manns

  • 2 x pakki af stórri Tígrisrækju frá Sælkerafiski (um 600 g)
  • 4 x osta- og beikonpylsur
  • 3 stórir maísstönglar
  • Um 16 litlar kartöflur (smælki)
  • Caj P grillolía með hvítlauk
  • 50 g smjör
  • Salt, pipar, hvítlauksduft
  • 2 msk. söxuð steinselja
  • 2 sítrónur
  • 4 lítil naanbrauð
  • Rifinn cheddarostur
  1. Byrjið á því að affrysta rækjurnar, skola þær og þerra. Blandið þeim þá saman í skál með um 4 matskeiðum af grillolíu og leyfið að marinerast á meðan annað er undirbúið.
  2. Sjóðið kartöflurnar í um 30 mínútur eða þar til þær eru nánast soðnar í gegn (tími fer eftir stærð).
  3. Sjóðið maísstönglana í um 8 mínútur, skerið hvern niður í 4-5 bita og leggið til hliðar.
  4. Bræðið smjör í potti, kryddið til með salti, pipar og hvítlauksdufti, penslið vel yfir maísbitana og kartöflurnar (geymið restina fyrir naanbrauðið).
  5. Búið til skálar úr tvöföldum álpappír (ég gerði tvo ílanga „báta“ þar sem ég kramdi saman endana.
  6. Setjið ofan í álpappírinn rækjur, niðurskornar pylsur, kartöflur og maísbita. Penslið aðeins meiri grillolíu yfir (magn smekksatriði), stráið saxaðri steinselju yfir allt og blandið aðeins saman. Lokið þá „álpappírsbátunum“ vel (ég setti lag af álpappír yfir) og setjið á heitt grill í 15 mínútur.
  7. Á meðan er hægt að undirbúa naanbrauðið. Raðið brauðunum á álpappír/bakka, penslið vel með restinni af hvítlaukssmjörinu og stráið smá cheddarosti yfir.
  8. Bakið á grillinu síðustu þrjár mínúturnar og berið fram með matnum.
  9. Hægt er að bera réttinn fram beint í álpappírnum eða hella honum í annað ílát. Ef það er gert er mikilvægt að ná öllum safanum með. Skerið sítrónuna niður og dreifið um bakkann og kreistið yfir að vild.
Shrimp boil foil pack eða rækjur á grillið, hreinn partýmatur með Tígristækjum frá Sælkerafiski

Það passaði síðan vel með þessum rétti að hafa grillað naanbrauð með hvítlaussmjöri og cheddarosti, nammi namm!

Shrimp boil foil pack eða rækjur á grillið, hreinn partýmatur með Tígristækjum frá Sælkerafiski

Megið endilega líka fylgja Gotterí á INSTAGRAM

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun