Gotterí og gersemar banner

Vefjur með kjúklingi og Sriracha sósu



⌑ Samstarf ⌑
Vefjur með kjúkling, bbq sósu og sriracha sósu

Um daginn gerði ég vefjur með „Pulled pork“ sem voru brjálæðislega góðar! Ég gat ekki hætt að hugsa um þær og langaði að prófa einhverja svipaða girnilega uppskrift nema núna með kjúklingi. Úr varð að ég hægeldaði útbeinað kjúklingalærakjöt í BBQ sósu og setti á vefjurnar ásamt grænmeti og Sriracha sósu. Þetta var sko ofur gott og ég mæli mikið með!

Vefjur með kjúkling, bbq sósu og sriracha sósu

Það var bjart og fallegt haustveður daginn sem ég var að semja þessa uppskrift og því læddist örlítill sumarfílingur með henni en mangó minnir mig alltaf á sumarið. Ætli það sé ekki líka gott að hafa sól í hjarta, því langt er víst í næsta sumar, tíhí!

Vefjur með kjúkling, bbq sósu og sriracha sósu

Vefjur með kjúklingi og Sriracha sósu

Fyrir um 4-5 manns

Kjúklingur

  • 900 g Rose Poultry úrbeinuð kjúklingalæri
  • 1 rauðlaukur
  • ½ flaska Heinz Sweet BBQ sósa
  • 150 ml vatn
  • Kjúklingakrydd
  1. Affrystið kjúklingalærin, kryddið með kjúklingakryddi og raðið í ofnpott/fat sem hægt er að loka eða setja álpappír á.
  2. Hitið ofninn í 150°C.
  3. Skerið laukinn niður í 4 hluta og leggið í fatið (til að fá gott bragð).
  4. Sprautið BBQ sósunni yfir kjúklinginn, hellið vatninu í botninn og eldið í um 3 klukkustundir með lokið á.
  5. Takið út, leyfið aðeins að standa og tætið síðan niður með tveimur göfflum. Fjarlægið laukinn og blandið restinni af soðinu og sósunni saman við kjötið.

Vefjur og grænmeti

  • Mission Wraps vefjur með grillrönd
  • Kínakál
  • Kirsuberjatómatar
  • Mangó
  • Kóríander
  1. Skerið vefjurnar niður í 4 hluta og saxið allt grænmeti smátt.
  2. Raðið kjöti og grænmeti á hvern hluta og sprautið Sriracha sósu yfir allt.

Sriracha sósa

  • 100 g Philadelphia rjómaostur við stofuhita
  • 100 g majónes
  • 1-2 tsk. Tabasco Sriracha sósa
  • Pískið allt saman í skál, setjið í poka/flösku með litlu gati og sprautið yfir vefjurnar að vild.
Tabasco sriracha sósa, fullkomin á vefjuna

Tabasco Sriracha sósan er ný á markaðnum og fæst hún í Fjarðarkaup og í verslunum Hagkaups.

Vefjur með kjúkling, bbq sósu og sriracha sósu

Hér hvarf í það minnsta kvöldmaturinn á augabragði svo það hljóta að teljast góð meðmæli með uppskriftinni!

Vefjur með kjúkling, bbq sósu og sriracha sósu

Þið megið endilega líka fylgjast með á INSTAGRAM

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun