Gotterí og gersemar banner

Ris a la mande



⌑ Samstarf ⌑
Ris a la mande eða risalamande

Hér er á ferðinni stórkostlegur og silkimjúkur Ris a la mande grautur sem birtist í blaðinu Hátíðarmatur í Morgunblaðinu á dögunum.

Risalamande uppskrift

Tengdamóðir mín býður alltaf upp á möndlugraut í hádeginu á Aðfangadag nema það verður víst ekki í boði þetta árið þar sem fjölskyldan fer yfir Covid takmörkin. Hér kemur hins vegar dásamleg uppskrift sem við öll getum nýtt okkur til að búa til undursamlegan möndlugraut sjálf!

Möndlugrautur uppskrift

Ris a la mande uppskrift

Uppskrift dugar í um 10 glös/skálar (eftir stærð)

Möndlugrautur uppskrift

  • 330 g Tilda Long Grain hrísgrjón (ósoðin)
  • 1, 6 l nýmjólk
  • 2 vanillustangir
  • 1 msk. smjör
  • 2 msk. sykur
  • ½ tsk. salt
  1. Bræðið smjörið í stórum potti og hellið mjólkinni næst saman við og hitið að suðu.
  2. Þá má hræra hrísgrjónunum saman við og gott er að hræra nokkrum sinnum í þeim fyrstu mínúturnar til að þau festist síður við botninn.
  3. Lækkið hitann vel niður og bætið sykri og salti í pottinn.
  4. Skafið fræin úr vanillustöngunum og bætið saman við og leyfið stöngunum sjálfum að malla með í pottinum (takið þær síðan úr í lokin).
  5. Grauturinn má malla við vægan hita í um 35 mínútur og gott er að hræra í honum nokkrum sinnum á meðan.
  6. Grautinn þarf síðan að kæla áður en öðrum hráefnum er hrært saman við hann.  Hægt er að útbúa grautinn sjálfan deginum áður og geyma í kæli.

Önnur hráefni

  • 250 ml rjómi
  • 70 g flórsykur
  • 100 g ristaðar möndluflögur
  • Kirsuberjasósa
  1. Léttþeytið saman rjóma og flórsykur og vefjið varlega saman við kældan grautinn. Gott er að brjóta grautinn fyrst upp með gaffli.
  2. Setjið graut í fallegar skálar/glös, kirsuberjasósu yfir og að lokum ristaðar möndluflögur.
Möndlugrautur úr Tilda hrísgrjónum

Þessi hrísgrjón pössuðu fullkomlega fyrir þennan rétt, silkimjúk og góð!

Ris a la mande uppskrift

Mmm þetta var svo svakalega góður grautur að ég fæ vatn í munninn við að skrifa þessa færslu.

Möndlugrautur eða Ris a la mande með kirsuberjasósu

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun