Gotterí og gersemar banner

Lax í rjómasósu með sólþurrkuðum tómötum



⌑ Samstarf ⌑
Lax í rjómasósu

Við erum alls ekki nógu dugleg að hafa fisk í matinn! Ég er alltaf að reyna að herða mig í þessum efnum og nú ætla ég að koma inn fleiri slíkum uppskriftum hér á næstunni. Lax er í uppáhaldi þegar kemur að fiski hjá mörgum hér í fjölskyldunni, já eða allur bleikur fiskur eins og stelpurnar mínar segja svo hér kemur ein ofurgóð uppskrift af slíkum!

Lax á pönnu með góðri sósu

Það er fljótlegt og einfalt að útbúa þennan rétt og öllum í fjölskyldunni fannst hann mjög góður!

Lax og sólþurrkaðir tómatar

Lax í rjómasósu með sólþurrkuðum tómötum

Fyrir um 4 manns

  • 4 laxabitar (um 800 g)
  • 2 rifin hvítlauksrif
  • 150 g Sacla sólþurrkaðir tómatar
  • 150 g Sacla grillaðar paprikur
  • 400 ml rjómi
  • 1 msk. Sacla Fiery Chilli Pestó
  • 60 g spínat
  • 30 g rifinn parmesan + meira til að rífa yfir
  • 20 g smjör
  • Ólífuolía
  • Salt og pipar
  1. Skolið og þerrið laxinn.
  2. Bræðið smjörið og setjið smá ólífuolíu saman við á háum hita.
  3. Steikið laxinn í um 3-4 mínútur á hvorri hlið svo hann verði stökkur að utan og eldaður að innan, saltið og piprið og færið síðan yfir á disk og lækkið hitann á pönnunni.
  4. Setjið hvítlauk, grillaðar paprikur og sólþurrkaða tómata (gott að taka þá í tvennt ef þeir eru mjög stórir, sama á við um paprikuna) á pönnuna og steikið stutta sund, bætið við olíu eftir þörfum.
  5. Hellið rjómanum yfir og hrærið Pestóið saman við, kryddið aðeins til eftir smekk.
  6. Bætið þá parmesanosti saman við sósuna og hrærið þar til hann bráðnar og bætið að lokum spínatinu saman við.
  7. Leyfið þessu að malla í um tvær mínútur, bætið þá laxinum aftur á pönnuna og berið fram með kartöflum, kartöfluklöttum eða öðru sem hugurinn girnist.
Sacla sólþurrkaðir tómatar, grillaðar paprikur og pestó með laxi í rjómasósu

Sólþurrkuðu tómatarnir og grilluðu paprikurnar fóru einstaklega vel með laxinum og Chilli pestóið gerði sósuna guðdómlega.

Laxauppskrift

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun