Gotterí og gersemar banner

Fyllt jalapeño og habanero á grillið



⌑ Samstarf ⌑
Grillað jalapeño og habanero

Fyllt jalapeño hef ég gert áður fyrir ykkur en svo er það eins og með margar aðrar uppskriftir að þær þróast aðeins með tíð og tíma og hér er komin útfærsla sem er algjört sælgæti!

Þessi uppskrift var ein af mörgum sem ég gerði í vor fyrir Gerum daginn girnilegan en þar eru ótal margar spennandi og skemmtilegar uppskriftir frá hinum ýmsu matarbloggurum!

fyllt jalapeno með beikoni

Grillað jalapeño og habanero uppskrift

Jalapeño

  • Jalapeño
  • Philadelphia rjómaostur með Sweet Chili
  • Beikonsneiðar
  • Hlynsýróp
  • Svartur pipar
  1. Skerið jalapeño til helminga langsum.
  2. Sléttfyllið með rjómaosti.
  3. Vefjið beikonsneið yfir og grillið við háan hita á álbakka/álpappír/grænmetisgrind þar til beikonið er tilbúið.
  4. Raðið á disk, setjið hlynsýróp og pipar yfir.

Habanero

  • Habanero
  • Philadelphia rjómaostur með graslauk
  • Svartur pipar
  1. Skerið habanero til helminga langsum.
  2. Sléttfyllið með rjómaosti.
  3. Grillið á álbakka/álpappír/grænmetisgrind við vægan hita í nokkrar mínútur þar til mýkist.
  4. Raðið á disk og piprið.
Jalapeno með beikoni og rjómaosti

Það má sannarlega leika sér með rjómaosta og þær bragðtegundir sem eru í boði. Þessi blanda var dásamleg og ég á eflaust eftir að prófa þær fleiri í sumar! Að setja sýrópið yfir í lokin er síðan punkturinn yfir I-ið, namm! Bæði jalapeño og habanero er missterkt, sum eru bara sæt og góð á meðan önnur rífa aðeins í en hvorutveggja virkilega gott!

fyllt jalapeño og habanero

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun