Gotterí og gersemar banner

Þjóðhátíðardesertinn 2021



⌑ Samstarf ⌑
Kaka í íslensku fánalitunum

Hæ hó jibbí jei það er að koma 17.júní!

Þjóðhátíðarkaka

Þar sem það var ekkert um hátíðarhöld á Þjóðhátíðardeginum okkar í fyrra mæli ég sannarlega með því að þið sláið aðeins um ykkur þennan dag í ár! Hvort sem ykkur langar að kíkja á hátíðarhöld, bjóða fólki heim í kaffi, mat eða bara allt þetta. Þessi skyrkaka hér er súper einföld og alveg hrikalega góð og skemmtileg útfærsla fyrir 17. júní. Hún á síðan alveg jafn vel við í kaffinu eins og sem desert um kvöldið.

Þjóðhátíðarkakan 2021

Þjóðhátíðardesertinn 2021

Skyrkaka uppskrift

  • 10 x 35 g Prince Polo
  • 700 g vanilluskyr
  • 800 ml rjómi
  • Driscolls bláber ( um 6 x 125 g)
  • Driscolls hindber (um 3 x 125 g)
  1. Myljið Prince Polo niður og setjið í botninn á fati sem er um 25 x 35 cm.
  2. Stífþeytið rjómann og takið hluta til hliðar í sprautupoka (fyrir hvítu röndina í fánanum).
  3. Vefjið skyrinu saman við restina af rjómanum og setjið yfir Prince Polo kexið. Kexið er laust í sér svo það er gott að setja smá blöndu hér og þar um fatið og jafna síðan yfir allt saman í stað þess að strjúka allt út frá miðjunni (þá gæti kexið færst aðeins til).
  4. Skreytið næst með því að setja hindber innst, sprauta rjómadoppum með hringlaga stút næst og loks raða bláberjum í restina. Gott er að teikna smá hjálparlínu með tannstöngli fyrir rauðu línuna þegar þið byrjið til að auðveldara sé að gera nokkuð beina línu og fylgja henni síðan eftir með rjómanum og bláberjunum. Einnig er gott að sortera bláberin aðeins ef þau eru misstór og taka „odd sized“ ber frá til þess að kakan líti enn betur út.
  5. Geymið í kæli fram að notkun.
Prince Polo í skyrköku

Mmmm þessi kaka var svoooo góð og fersk að hún verður sko án efa útbúin aftur á þessu heimili fyrir sjálfan Þjóðhátíðardaginn á fimmtudaginn!

íslenski fáninn kaka

Það er líka mjög fljótlegt og einfalt að útbúa þessa dásemd!

EFtirréttur fyrir Þjóðhátíðardaginn 17.júní

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun