Hátíðarostakaka



⌑ Samstarf ⌑
Ostakaka uppskrift

Ostakökur eiga vel við, hvort sem það er sumar, vetur, vor eða haust. Það er hægt að útbúa ótal útfærslur af þeim og aðlaga þær að tilefni hverju sinni. Þar sem hátíðirnar nálgast er þessi hér sett í hátíðlegan búning með guðdómlegri piparmyntu-karamellusósu. Þessi ostakaka myndi sóma sér vel sem eftirréttur í hvaða hátíðarboði sem er á næstunni!

Góður eftirréttur fyrir jólin

Hægt er að útbúa þessa köku með fyrirvara ef hún er plöstuð inn í ísskáp. Það er hins vegar best að setja berin ekki á hana fyrr en rétt áður en bera á kökuna fram.

Hér finnið þið REELS myndband á Instagram sem sýnir hvernig kakan er útbúin.

einfaldur eftirréttur

Mmmm…..

Ostakaka jól

Hátíðarostakaka

Uppskrift dugar í 8-12 glös/krúsir (eftir stærð)

Botn

  • 30 Oreo kexkökur
  • 50 g brætt smjör
  1. Myljið kexið niður í duft í blandara, setjið í skál og blandið smjörinu saman við.
  2. Setjið um eina matskeið af kexmylsnu í botninn á hverri krús/glasi.

Fylling

  • 500 g Philadelphia rjómaostur við stofuhita
  • 270 g sykur
  • 2 tsk. vanillusykur
  • 500 ml þeyttur rjómi
  1. Þeytið rjómaost, sykur og vanillusykur saman í hrærivélinni þar til létt blanda hefur myndast.
  2. Blandið þá þeytta rjómanum varlega saman við með sleikju.
  3. Setjið í sprautupoka og skiptið niður í krúsirnar/glösin.
  4. Kælið á meðan karamellan er útbúin.

Karamella og skreyting

  • 230 g Dumle Polka karamellur (1 poki)
  • 100 ml rjómi
  • Driscolls jarðarber, hindber og rifsber
  1. Bræðið karamellur og rjóma saman í potti og leyfið að ná stofuhita.
  2. Hellið smá sósu yfir hverja ostaköku, kælið og skreytið með ferskum berjum.
  3. Jólalegt getur verið að strá smá flórsykri yfir í lokin en það er þá best að gera rétt áður en bera á kökuna fram.
Ostakaka í krús

Þessi ostakaka er sannarlega jólaleg og ljúffeng!

Jólaeftirréttir

Þessi færsla er unnin fyrir Gerum daginn girnilegan

Skildu eftir svar

Netfang þitt verður ekki birt.

Flokkar

0
    0
    Karfan þín
    Karfan er tómNetverslun