Kjúklingasalat með sætum kartöflum



⌑ Samstarf ⌑
Matarmikið og gott kjúklingasalat uppskrift

Það er endalaust hægt að leika sér með útfærslur af kjúklingasalötum. Þessi hér var klárlega ein af þeim betri sem ég hef prófað! Matarmikið salat með nóg af krönsi um leið og það var mjög djúsí með salatdressingu úr léttmajónesi, namm!

Chicken salad

Ég elska að hafa nóg af fræjum og slíku í salötum, stundum myl ég niður nachosflögur og svo eru brauðteningarnir líka alltaf klassískir. Að þessu sinni notaði ég kasjúhnetur og salatblöndu með fræjum sem var frábærlega gott.

Chicken salad recipe

Kjúklingasalat með sætum kartöflum

Fyrir um 4 manns

Kjúklingasalat uppskrift

  • 1 stór sæt kartafla
  • 700-800 g kjúklingabringur
  • 1 haus blaðsalat
  • 100 g spínat
  • 1 rauðlaukur
  • 1 mangó
  • 50 g saxaðar Til hamingju döðlur
  • 60 g salatblanda frá Til hamingju
  • 40 g brotnar kasjúhnetur frá Til hamingju
  • 1 krukka fetaostur
  • Kóríander (má sleppa)
  • Isio 4 olía til steikingar
  • Kjúklingakrydd, salt, hvítlauksduft
  1. Hitið ofninn í 200°C.
  2. Flysjið kartöfluna og skerið í litla teninga. Setjið í eldfast mót/ofnskúffu, nokkrar matskeiðar af olíu yfir og kryddið eftir smekk. Bakið í ofninum í um 30 mínútur eða þar til kartöflubitarnir mýkjast, snúið nokkrum sinnum á meðan.
  3. Skerið á meðan kjúklinginn niður í bita og steikið upp úr olíu og kryddum, geymið.
  4. Skerið annað hráefni í salatið niður og setjið í fallega skál, blandið síðan öllu saman (kartöflum og kjúkling líka) og berið fram með salatdressingu (sjá uppskrift hér að neðan).

Salatdressing uppskrift

  • 200 g Hellmann‘s light majónes
  • 50 g sýrður rjómi
  • 2 rifin hvítlauksrif
  • 40 g hunang frá Bio Today
  • 2 tsk. sítrónusafi
  • 2 msk. saxað kóríander
  • Salt og pipar
  1. Pískið allt saman í skál og geymið í kæli fram að notkun.
Hellmann's light mayo

Mmmmm….

Kjúklingasalat uppskrift

Það má sannarlega hafa þetta í matinn reglulega!

Kjúllasalat uppskrift

Skildu eftir svar

Netfang þitt verður ekki birt.

Flokkar

0
    0
    Karfan þín
    Karfan er tómNetverslun