Heitur brauðréttur með krönsi



⌑ Samstarf ⌑
Einfaldur heitur brauðréttur

Það er fátt sem toppar heita brauðrétti í veislum. Þeir eru sívinsælir og oft það fyrsta sem klárast því allir þá elska. Fermingar eru framundan og heitir réttir sniðugir í slíkar veislur og hér kemur einn sem sló heldur betur í gegn, bæði hjá ungum sem öldnum.

Heitir brauðréttir í veisluna

Það skiptir mestu máli að mínu mati að hafa réttinn djúsí og matarmikinn. Að þessu sinni prófaði ég að mylja paprikusnakk yfir allt í lokin og namm það var alveg svakalega gott!

Heitur brauðréttur með skinku og pepperoni

Mmmm….

Brauðréttur uppskrift

Heitur brauðréttur með pepperoni, skinku og krönsi

Uppskrift dugar í 2 frekar grunn föt/mót

  • 14 hvítar brauðsneiðar
  • 1 rauð paprika
  • 1 Mexíkó kryddostur
  • 1 Pepperoni kryddostur
  • 100 g Philadelphia rjómaostur með sweet chili
  • 700 ml rjómi
  • 200 g skinka
  • 80 g pepperoni (mini)
  • Rifinn ostur
  • Um ½ poki Maarud Potetgull með papriku
  • Ólífuolía til steikingar
  • Salt og pipar
  1. Hitið ofninn í 180°C.
  2. Penslið tvö eldföst mót að innan með ólífuolíu/smjöri.
  3. Skerið skorpuna af brauðinu og rífið niður í bita yfir botninn á hvoru formi.
  4. Skerið paprikuna smátt og steikið upp úr ólífuolíu, saltið og piprið eftir smekk.
  5. Hellið helming rjómans á pönnuna, rífið báða kryddostana út í og blandið rjómaostinum líka saman við.
  6. Hrærið þar til ostar hafa bráðnað og bætið þá restinni af rjómanum á pönnuna og hrærið vel.
  7. Skerið skinkuna niður og dreifið yfir brauðið í forminu ásamt pepperoni.
  8. Hellið sósunni jafnt yfir brauðblönduna í hvoru formi fyrir sig, toppið með rifnum osti og bakið í 20 mínútur.
  9. Takið þá út, myljið snakkið gróft yfir og hitið í um 5 mínútur til viðbótar.
Maarud Potetgull snakk á brauðréttinn

Maarud snakkið stendur alltaf fyrir sínu og er eitt af mínu uppáhalds snakki! Mín litla 4 ára er líka svakalega hrifin af paprikusnakkinu og ég þurfti alveg að stoppa hana af til að eiga nóg fyrir réttinn, hahaha!

Heitur brauðréttur uppskrift

Þessi færsla er unnin í samstarfi við Gerum daginn girnilegan.

Skildu eftir svar

Netfang þitt verður ekki birt.

Flokkar

0
    0
    Karfan þín
    Karfan er tómNetverslun