Páskaljúfmeti



⌑ Samstarf ⌑
Páskakaka

Það er svo gaman að prófa eitthvað nýtt og ég elska bæði hrískökur og marengs svo hér kemur algjör negla!

Páskakaka uppskrift

Ég ákvað að prófa að nota formkökuform í stað þess að notast við hringlaga og þetta kom virkilega skemmtilega út svona, líka mjög þægilegt að skera sneiðar á þennan hátt.

Mini súkkulaðiegg í páskabaksturinn

Síðan elska allir hrískökur svo ég gerði stærri uppskrift en þurfti í formið til þess að geta gert nokkur hreiður líka og þetta var ansi vinsælt í fjölskyldukaffinu á þessu heimili!

Hrískökuhreiður í páskamatinn

Það er síðan geggjað að setja Dumle karamellur í hrískökuuppskriftina, namm sko!

Hrískaka með rjóma og marengs

Páskaljúfmeti

Þessi uppskrift gefur eina ílanga páskaköku með hrískökubotni, bananarjóma, marengs og páskaeggjarjóma ásamt 10-12 páskahreiðrum sem fylla má með súkkulaðieggjum.

Marengsbotn uppskrift

  • 2 eggjahvítur
  • 100 g púðursykur
  1. Hitið ofninn í 120°C og klæðið formkökuform að innan með bökunarpappír.
  2. Þeytið saman eggjahvítur og púðursykur þar til stífþeytt.
  3. Setjið í formkökuformið og bakið í 40 mínútur.
  4. Leyfið marengsinum að kólna áður en þið lyftið honum uppúr í bökunarpappírnum og setjið kökuna saman.
  5. Best finnst mér að gera marengsinn deginum áður ef ekki fyrr og geyma hann á þurrum stað.

Hrískökubotn og hreiður

  • 60 g smjör
  • 250 g dökkt súkkulaði
  • 70 g Dumle karamellur
  • 180 g sýróp (í grænu dósunum)
  • 160 g Rice Krispies
  • PAM matarolíusprey
  1. Pressið bökunarpappír niður í ílangt formkökuform og leggið til hliðar.
  2. Spreyið smá PAM í ál-bollakökuform (í 10-12 hólf).
  3. Setjið allt nema Rice Krispies í pott, hitið þar til bráðið og leyfið blöndunni aðeins að „bubbla“ við háan hita áður en þið takið af hellunni.
  4. Leyfið þá hitanum aðeins að rjúka úr blöndunni og blandið Rice Krispies saman við.
  5. Setjið tæplega helminginn í formkökuformið, þjappið aðeins niður og sléttið. Formið sem ég notaði er frá ömmu, 11 x 29 cm að stærð en auðvitað má nota aðeins minna/stærra.
  6. Setjið síðan kúpta matskeið af blöndu í hvert bollakökuhólf og þrýstið miðjunni niður og aðeins upp kantana með skeið.
  7. Kælið hvorutveggja á meðan þið útbúið fyllinguna.

Karamellusósa uppskrift

  • 120 g Dumle karamellur
  • 60 ml rjómi
  1. Bræðið saman þar til kekkjalaust, leyfið að ná stofuhita áður en sósan er notuð á kökuna.

Fylling, skraut og samsetning

  • 400 g þeyttur rjómi
  • 1 banani
  • 4-5 pokar Cadbury mini eggs
  1. Skerið bananann í litla bita og blandið saman við um 2/3 af rjómanum.
  2. Skerið einn súkkulaðieggjapoka gróft niður.
  3. Leggið ílanga hrískökubotninn á fallegan disk og smyrjið bananarjómanum yfir hann og setjið síðan smá karamellusósu þar yfir.
  4. Næst fer marengsbotninn ofan á og restin af þeytta rjómanum.
  5. Hér má setja vel af karamellusósu yfir rjómann og skreyta síðan með niðurskornu súkkulaðieggjunum og nokkrum heilum.
  6. Notið restina af súkkulaðieggjunum til að fylla hrískökuhreiðrin.
Cadbury mini eggs í páskakökuna

Hver elskar ekki þessi egg!!! Það er eitthvað við krönsí skelina utan á og svo ljúffenga súkkulaðið inn í sem fær mann til laumast alltaf í meira!

Páskahreiður til að borða

Mmmm….

Páskabakstur hugmyndir

Þessi færsla er unnin í samstarfi við Gerum daginn girnilegan

Skildu eftir svar

Netfang þitt verður ekki birt.

Flokkar

0
    0
    Karfan þín
    Karfan er tómNetverslun