Helgardrykkurinn er klár!
Það er gaman að leika sér með mismunandi líkjöra fyrir Espresso Martini drykk. Hér er ég búin að blanda súkkulaðilíkjör og smá sýrópi saman við kaffi og vodka og útkoman er æðisleg!
Espresso martini með súkkulaðikeim
Uppskrift dugar í 2 glös
- 100 ml Tobago Gold súkkulaði/romm líkjör
- 60 ml vodka
- 120 ml espresso kaffi kalt
- 1 tsk. hlynsýróp
- 1 lúka af klökum
- Setjið allt í hristara og hristið vel þar til froða myndast í hristaranum.
- Hellið í gegnum sigti/sigtappa á hristaranum í tvö glös.
- Skreytið með því að sigta smá bökunarkakó yfir og nokkrum kaffibaunum.
Súpereinfaldur og fljótlegur drykkur sem allir munu elska!
