Það er fátt betra en máltíð sem tekur stuttan tíma að útbúa! Hér er á ferðinni ein slík sem allir í fjölskyldunni elskuðu, þið getið síðan auðvitað sett það sem hugurinn girnist á milli en þessi samsetning var undursamleg!
Nammi namm!
Kjúklingavefja á kortéri
6 stykki (fyrir um 4 manns)
- 6 stórar tortilla kökur
- Um 1 ½ box Ali kjúklingastrimlar með salti og pipar (fulleldað)
- 6 tsk. sýrður rjómi
- 6 msk. salsasósa
- Romaine salat
- 3 avókadó (stöppuð)
- Rifinn ostur
- Nachos flögur
- Matarolía til steikingar
- Skerið inn í vefjuna miðja og ímyndið ykkur að henni sé skipt í fjórðunga.
- Smyrjið sýrðum rjóma á einn fjórðung og toppið með vel af kjúkling.
- Smyrjið salsasósu á næsta og toppið með niðurskornu salati.
- Smyrjið stöppuðu avókadó á næsta hluta og setjið loks rifinn ost og nachos flögur á þann síðasta.
- Hitið olíu á pönnu og steikið vefjuna við meðalháan hita í nokkrar mínútur á hvorri hlið eða þar til hún brúnast og hitnar í gegn.
- Berið fram með salsasósu, sýrðum rjóma og nachos flögum.
Það er svo mikil snilld að geta gripið fulleldaðan kjúkling til að nota í rétti sem þessa og hér er búið að skera kjúklinginn svo allt er tilbúið beint til samsetningar!
