Hver elskar ekki góðar ídýfur! Það er svo gaman að leika sér með alls kyns slíkar og svipaða hugmynd sá ég á netinu en útfærði eftir mínu höfði. Við buðum upp á þessa ídýfu í partýi og hver einasti maður sem hana smakkaði spurði um uppskrift svo ykkur er sannarlega óhætt að hræra í þessa snilld við fyrsta tilefni!
Ef ykkur langar í undurgómsætt snarl yfir páskana þá mæli ég með að þið prófið þessa!
Rjómakennd ostaídýfa sem rífur í
Ostablanda
- 150 g fetakubbur frá Gott í matinn
- 150 g rjómaostur til matargerðar frá Gott í matinn
- 60 g grísk jógúrt frá Gott í matinn
- 2 tsk. sítrónusafi
- Setjið allt í blandara/matvinnsluvél og maukið saman.
- Smyrjið blöndunni næst í nokkuð víða skál/fat sem er um 20-25 cm í þvermál, hellið toppnum yfir (sjá uppskrift að neðan) og njótið með tortilla flögum.
Toppur
- 50 ml ólífuolía
- 2 x vorlaukur (saxaður)
- 30 g furuhnetur
- 2 x hvítlauksrif (rifin)
- 1-2 tsk. chilli flögur
- ½ tsk. gróft salt
- Hitið olíuna vel á pönnu og hellið öllu nema grófa saltinu saman við þegar olían er orðin vel heit, lækkið þá hitann alveg niður og leyfið að mýkjast í um eina mínútu.
- Leyfið blöndunni að standa í nokkrar mínútur á meðan mesti hitinn fer úr olíunni og hellið síðan óreglulega yfir ostablönduna.
- Stráið að lokum grófu salti yfir allt og njótið með tortilla flögum.
Mmm….alveg hrikalega góð!
