Kaldar rjómaostadýfur eru í miklu uppáhaldi hjá mér síðan að Lukka vinkona kynnti mig fyrir slíkri fyrir öööööörfáum árum síðan, tíhí. Það er því gaman að prófa eitthvað nýtt í slíkum efnum og hér kemur ein sem kláraðist upp til agna!
Þessi er matarmeiri en margar því hún er með hakki og svo fer magn af grænmeti og osti ofan á eftir smekk!
Taco ídýfa
- 350 g Philadelphia rjómaostur við stofuhita
- 4 msk. salsasósa
- 400 g nautahakk
- ½ bréf tacokrydd
- Romaine salat
- Rifinn ostur
- Piccolo tómatar
- 1 x avókadó
- Kóríander
- Rauðlaukur
- Nachosflögur
- Pískið rjómaost og salsasósu saman og smyrjið í botninn á eldföstu móti/skál/öðru með smá uppháum köntum. Geymið í kæli á meðan annað er undirbúið.
- Steikið hakkið og kryddið, kælið það niður og setjið yfir rjómaostablönduna.
- Skerið niður grænmetið og setjið það yfir hakkið ásamt ostinum.
- Njótið með nachos flögum.
Namm, þessi er algjör negla!
Ísköld Stella passar síðan einstaklega vel með!
Þessi færsla er unnin í samstarfi við Gerum daginn girnilegan.
