BBQ kjúklingaspjót og makkarónusalat



⌑ Samstarf ⌑
bbq kjúklingaspjót

Það er alltaf gaman að prófa nýtt meðlæti með grillmat og þetta makkarónusalat var algjör snilld! Ég hef ekki útbúið svona áður en rakst á útfærslu á netinu um daginn og gat ekki hætt að hugsa um þetta fyrr en ég myndi prófa.

bbq kjúklingaspjót og makkarónusalat

Hér er því komin mín útfærsla af makkarónusalati fyrir ykkur að njóta. Margir eru með sellerí í því líka eða annað grænmeti svo þið getið sannarlega leikið ykkur aðeins með innihaldið.

makkarónusalat

BBQ kjúklingaspjót og makkarónusalat

Fyrir um 4 manns

BBQ kjúklingaspjót

  • 900 g úrbeinuð kjúklingalæri frá Rose Poultry (1 poki)
  • 150 ml Caj P grillolía (original)
  • ½ flaska Heinz Sweet BBQ sósa
  1. Setjið kjúklingalærin í skál og hellið grillolíunni yfir, blandið vel saman og leyfið að marinerast í ísskáp í að minnsta kosti klukkustund, yfir nótt er líka í lagi, bara plasta/loka ílátinu vel.
  2. Þræðið síðan 2 læri upp á hvert grillspjót og grillið á heitu grilli í nokkrar mínútur á hvorri hlið, penslið 1 x með BBQ sósu á meðan þið grillið (um 1 msk. á hvora hlið).
  3. Takið síðan af grillinu, penslið aftur BBQ sósu yfir og leyfið að hvíla í nokkrar mínútur áður en þið njótið með makkarónusalati.

Makkarónusalat

  • 350 g ósoðið makkarónupasta
  • ½ rauðlaukur
  • 3 msk. púrrulaukur
  • 2 tómatar
  • 2 gulrætur
  • ½ rauð paprika
  • 1 msk. steinselja
  • 130 g majónes
  • 70 g sýrður rjómi
  • 30 g púðursykur
  • 1 msk. sítrónusafi
  • 1 msk. dijon sinnep
  • 1 tsk. hvítlauksduft
  • 1 tsk. salt
  • ½ tsk. pipar
  1. Sjóðið pastað samkvæmt leiðbeiningum á pakka, leyfið vatni að leka alveg af þeim síðan áður en þið notið í salatið.
  2. Pískið á meðan majónes, sýrðan rjóma, púðursykur, dijon sinnep og krydd saman í skál og geymið.
  3. Skerið allt grænmetið smátt niður (rífið gulræturnar gróft) og blandið síðan öllu saman í skál með sleikju.
  4. Geymið í kæli fram að notkun.
góð bbq sósa

Þessi BBQ sósa er mín allra uppáhalds!

stella artois með grillmatnum

Ísköld Stella smellpassar síðan með þessari máltíð!

grillaður kjúklingur

Mmm…

gott meðlæti með grillmat

Þessi færsla er unnin í samstarfi við Gerum daginn girnilegan

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun