„Big Mac“ hamborgari



⌑ Samstarf ⌑
Hamborgari Mc Donalds

Já krakkar mínir, núna getið þið útbúið ykkar eigin „Big Mac“ heima í eldhúsinu! Eftir að ég prófaði „Big Mac Tacos“ vefjurnar fyrr í haust er þessi búinn að vera á óskalistanum. Að þessu sinni fór ég aðra leið með sósuna og þrátt fyrir að vera samsett úr allt öðru en hin þá var hún ótrúlega lík sósunni á Mc Donalds, hahaha!

Big Mac burger copycat

Það skiptir máli að fletja hakkið vel út með fingrunum og hafa það þunnt og jafn stórt ef ekki stærra en brauðið því það skreppur saman við steikingu.

Big mac hamborgari

„Big Mac“ hamborgari

4 stykki

Hamborgarar

  • Um 700 g nautahakk
  • 4 hamborgarabrauð + 4 botnar af hamborgarabrauði
  • 8 ostsneiðar
  • Súrar gúrkur
  • Iceberg saxað
  • 1 laukur saxaður
  • „Big Mac“ sósa
  • Smjör og olía til steikingar
  • Salt, pipar, hamborgarakrydd
  1. Byrjið á því að útbúa „Big Mac“ sósuna (sjá uppskrift að neðan) og geymið í kæli á meðan annað er útbúið.
  2. Skiptið hakkinu niður í 8 hluta (tæplega 90 g hver hluti) og mótið hamborgarabuff, reynið að hafa þau frekar þunn.
  3. Smyrjið um 1 tsk. af mjúku smjöri á skorna hlutann á hverju hamborgarabrauði.
  4. Setjið ólífuolíu á pönnu og byrjið á því að hita brauðin. Setjið smjörhliðina niður þar til þau fara að brúnast og snúið síðan við stutta stund, leggið þau á disk þar til kemur að samsetningu.
  5. Steikið næst buffin upp úr ólífuolíu og kryddið eftir smekk.
  6. Raðið hamborgaranum síðan saman; Brauð, sósa, kál, buff, ostur, laukur, brauð, sósa, kál, súrar gúrkur, buff, ostur, smá meiri sósa og svo síðasta brauðið (lokið).

„Big Mac“ sósa

  • 200 g majónes
  • 2 msk. Kraft þúsundeyja sósa
  • 2 msk. Relish úr flösku
  • 1 tsk. sykur
  1. Pískið allt saman og geymið í kæli fram að notkun.
Bjór með hamborgara

Eitt er víst að það verður aftur „Big Mac“ í matinn á þessu heimili, slurp!

Big mac sósa

Thousand Island sósan er það sem gerir gæfumuninn í sósunni og er súpereinfalt að hræra í þessa snilld!

Þessi færsla er unnin í samstarfi við Gerum daginn girnilegan!

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun