Bollakökujólatré



⌑ Samstarf ⌑

Það styttist í desember og margir byrjaðir að undirbúa jólabaksturinn. Að mínu mati má jólabakstur vera alls konar, það þarf ekki bara að baka smákökur. Það fer eftir tilefninu og oft eru alls kyns hittingar á aðventunni og gaman að koma með eitthvað fallegt á veisluborðið líkt og þessar dásamlegu bollakökur. Þessi uppskrift er úr kökubæklingi Nóa Síríus sem ég vann með þeim á dögunum!

kökubæklingur nóa síríus

Bollakökujólatré

12 stykki

Súkkulaði bollakökur

  • 160 g Síríus suðusúkkulaði
  • 40 g Síríus kakó
  • 110 ml uppáhellt kaffi við stofuhita
  • 2 egg
  • 2 tsk. vanilludropar
  • 70 ml matarolía
  • 120 g hveiti
  • 120 g sykur
  • ½ tsk. salt
  • 1 tsk. matarsódi
  1. Hitið ofninn 175°C.
  2. Bræðið suðusúkkulaði og setjið í hrærivélarskál ásamt kakó og kaffi og blandið vel.
  3. Pískið eggin, bætið vanilludropum og matarolíu saman við og bætið í súkkulaðiblönduna, hrærið saman.
  4. Setjið hveiti, sykur, salt og matarsóda í skál og blandið saman við súkkulaðiblönduna í nokkrum skömmtum, skafið niður á milli.
  5. Skiptið niður í 12 bollakökuform og bakið í um 20 mínútur.

Smjörkrem og skreyting

  • 280 g smjör við stofuhita
  • 500 g flórsykur
  • 100 ml rjómi
  • ¼ tsk. salt
  • 3 tsk. vanilludropar
  • Grænn matarlitur
  • Síríus súkkulaðiperlur
  • Flórsykur (til að sigta yfir)
  1. Þeytið smjörið eitt og sér þar til það verður létt í sér.
  2. Bætið flórsykri og rjóma saman við í nokkrum skömmtum á víxl og hrærið vel á milli.
  3. Bætið vanilludropum og salti saman við og hrærið áfram vel.
  4. Setjið matarlit saman við, hrærið og skafið niður nokkrum sinnum þar til þið náið þeim litatón sem óskað er.
  5. Setjið kremið í sprautupoka og sprautið jólatré. Gott er að nota stút 6B frá Wilton og hafa neðstu stjörnuna breiðasta og síðan hinar alltaf aðeins minni og minni til að mynda jólatré.
  6. Setjið rauðar og grænar súkkulaðiperlur hér og þar og sigtið flórsykur yfir hvert tré sem snjó.

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun