Barón ostakaka



⌑ Samstarf ⌑
ostakaka uppskrift

Hér kemur ein undursamleg úr kökubæklingi Nóa Síríus! Ostakökur eiga alltaf vel við og mér finnst alltaf svo gaman að setja þær í glös svo allir fái sér „desrétt“.

Ostakaka með karamellukeim

Uppskrift dugar í 8-10 glös/skálar

Botn

  • 200 g kanilkex
  • 30 g smjör (brætt)
  1. Setjið kexið í blandara og myljið alveg niður þar til sandáferð er komin á kexið.
  2. Hellið bræddu smjörinu saman við og blandið vel.
  3. Skiptið niður í glösin/skálarnar og útbúið fyllinguna.

Fylling

  • 400 g rjómaostur við stofuhita
  • 180 g sykur
  • 2 tsk. vanillusykur
  • 400 ml þeyttur rjómi
  1. Þeytið rjómaost, sykur og vanillusykur saman í nokkrar mínútur þar til blandan verður létt í sér.
  2. Vefjið þeytta rjómanum saman við með sleikju og skiptið blöndunni niður í glös/skálar og sléttið aðeins úr með skeið.
  3. Kælið á meðan annað er undirbúið.

Toppur og samsetning

  • 50 g Síríus Barón 56% súkkulaði
  • 50 g Síríus Doré karamellusúkkulaðidropar
  • 100 ml rjómi
  • 1 msk. hlynsíróp
  • Síríus karamellukurl til skrauts
  1. Saxið báðar tegundir af súkkulaði smátt niður.
  2. Hitið rjómann að suðu, hellið yfir súkkulaðið og pískið saman þar til slétt sósa hefur myndast og blandið sírópinu saman við.
  3. Leyfið hitanum aðeins að rjúka úr og setjið um 2 msk. af sósu yfir hverja ostaköku og rennið henni til svo hún þeki alveg út í brúnir á glasinu/skálinni og kælið að nýju.
  4. Skreytið með karamellukurli og geymið í kæli.

Hér eru nokkrar aðrar myndir úr bæklingnum og uppskriftirnar við þær finnið þið hér að neðan!

smákaka í pönnu

Mmm…

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun