Kjúklingur í brúnni sósu með kartöflumús



⌑ Samstarf ⌑
kjúklingur í brúnni sósu

Hér er á ferðinni ekta vetrarmatur. Kartöflumús og brún sósa er eitthvað sem flestir elska og þessi réttur er dásamlega ljúffengur!

kjúklingur og kartöflumús

Kjúklingur í brúnni sósu með kartöflumús

Fyrir um 4 manns

Kjúklingur í brúnni sósu uppskrift

  • 1 poki Rose Poultry kjúklingalundir (um 700 g)
  • ½ laukur
  • 350 g sveppir (blandaðir)
  • 3 hvítlauksrif
  • 2 msk. ferskt timian (saxað)
  • 300 ml vatn
  • 2 msk. Oscar fljótandi nautakraftur
  • 200 ml rjómi
  • Um 4 msk. maizenamjöl
  • Ólífuolía til steikingar
  • Salt, pipar og hvítlauksduft
  1. Byrjið á því að steikja lundirnar upp úr ólífuolíu og krydda eftir smekk. Brúnið vel á öllum hliðum og færið yfir á disk.
  2. Skerið lauk og sveppi niður, steikið á sömu pönnu (ekki þrífa hana á milli), bætið ólífuolíu við eftir smekk og kryddið vel, eldið við meðalháan hita þar til sveppir og laukur mýkist.
  3. Rífið þá hvítlauksrifin og setjið þau ásamt timian saman við og steikið stutta stund til viðbótar.
  4. Næst má hella vatni, krafti og rjóma á pönnuna og ná upp suðunni að nýju, þykkja eftir smekk með maizenamjöli og lækka hitann síðan alveg niður og leyfa að malla í um 10 mínútur, kryddið meira ef þurfa þykir.
  5. Berið fram með kartöflumús!

Kartöflumús uppskrift

  • Um 1 kg kartöflur
  • 40 g smjör
  • 2 msk. sykur
  • 1 tsk. salt
  • Um 150 ml nýmjólk
  1. Sjóðið og flysjið kartöflurnar (eða öfugt, það má líka).
  2. Setjið þær í hrærivélarskálina ásamt smjöri, sykri og salti og blandið saman á lægstu stillingu.
  3. Bætið mjólkinni saman við í nokkrum skömmtum og skafið niður á milli.
hugmyndir að kvöldmat

Ungir sem aldnir féllu fyrir þessum rétti!

hvað á að vera í matinn?

Mmmm….

kvöldmatur uppskrift

Þessi færsla er unnin í samstarfi við Gerum daginn girnilegan!

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun