Eplabaka með Camembert



⌑ Samstarf ⌑
eplabaka

Ég rakst á þessa uppskrift á Instagram um daginn og fannst þetta virka svo gómsætt að ég hreinlega varð að prófa. Ég tók uppskriftina og aðlagaði hana að þeim hráefnum sem eru til hérlendis og útbjó eplamaukið sjálf. Það er mjög einfalt en tekur smá tíma, það má hins vegar gera það með fyrirvara og geyma í kæli. Svo er tilvalið að nota afganginn til þess að skella í bakaðan ost með eplamauki og pekanhnetum á aðventunni.

bakaður camembert

Mmm svo gott!

eplabaka með camembert

Eplabaka með Camembert

Eplabaka uppskrift

  • 4 plötur af smjördeigi
  • 8 msk. eplamauk (sjá uppskrift að neðan)
  • 1 x Dala Camembert
  • 1 x epli (jonagold/pink)
  • 1 msk. saxað rósmarín
  • Salt og pipar
  • Smá ólífuolía
  • Egg (pískað)
  • 6 sneiðar beikon (stökkar)
  • Hunang
  1. Hitið ofninn í 200°C.
  2. Raðið smjördeigsplötunum saman á bökunarpappír (ég notaði þessar frosnu frá Findus, afþýddi yfir nótt í ísskáp). Fletjið þær örlítið út til að þynna þær og festa þær betur saman.
  3. Smyrjið næst eplamaukinu yfir deigið, skiljið eftir 2-3 cm kant samt með engu mauki sem þið brjótið inn síðar.
  4. Skerið eplið í þunnar sneiðar og Camembert líka, raðið yfir deigið á víxl.
  5. Kryddið eftir smekk, setjið smá ólífuolíu yfir allt og brettið kantana síðan inn, aðeins yfir eplin og ostinn.
  6. Penslið kantinn með pískuðu eggi og bakið í 25 mínútur.
  7. Skerið á meðan stökkt beikon niður í bita og dreifið yfir bökuna þegar hún kemur úr ofninum ásamt því að setja á hana hunang.

Eplamauk uppskrift

  • 4 epli (jonagold/pink)
  • 200 ml epla cider
  • 200 ml vatn
  • 120 g púðursykur
  • 2 msk. epla edik
  • 2 kanilstangir
  1. Kjarnhreinsið eplin og skerið niður í litla bita.
  2. Setjið í pott með restinni af hráefnunum, náið upp suðunni og lækkið síðan hitann í meðalháan og leyfið að malla þannig í 45 mínútur, hrærið stöku sinnum.
  3. Hellið þá úr pottinum, takið kanilstangirnar uppúr og leyfið hitanum aðeins að rjúka úr. Setjið næst í blandarann og maukið alveg niður.
  4. Hellið maukinu þá aftur í pottinn, bætið kanilstöngunum útí að nýju, náið upp suðunni og lækkið síðan niður í meðalháan. Leyfið að malla án þess að hafa lokið á í klukkustund, hrærið mjög reglulega og slökkvið síðan á hellunni eftir þann tíma og leyfið blöndunni aðeins að kólna niður áður en þið færið hana yfir í box/krukkur.
camembert ostur

Dala Camembertinn er kominn í nýjar og svo fallegar umbúðir!

bakaður ostur í smjördeigi

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun