Brownie með mascarpone súkkulaðikremi



⌑ Samstarf ⌑
brownie uppskrift

Fyrsta kaka ársins hér á blogginu er ekki af verri endanum! Ég ELSKA „brownies“ eða brúnkur ef við viljum reyna að nota íslensku og að toppa slíka köku með góðu kremi færir hana klárlega upp á æðra stig!

brownie með blauta miðju

Kakan ein og sér er virkilega djúsí og góð en þetta krem er síðan alveg undursamlegt svo þessi samsetning er negla!

súkkulaðikaka uppskrift

Brownie með mascarpone súkkulaðikremi

Fyrir 12-15 manns

Brownie kaka uppskrift

  • 150 g smjör við stofuhita
  • 140 g sykur
  • 90 g púðursykur
  • 2 egg
  • 2 msk. uppáhellt kaffi
  • 200 g Síríus suðusúkkulaði (brætt)
  • 2 tsk. vanillusykur
  • 2 msk. bökunarkakó
  • 110 g hveiti
  1. Hitið ofninn í 170°C og takið til ferkantað kökuform (um 20 x 20 cm). Klæðið það að innan með bökunarpappír og spreyið það að innan með matarolíuspreyi.
  2. Þeytið síðan saman smjör og báðar tegundir af sykri þar til létt og ljós blanda myndast.
  3. Bætið eggjunum saman við í nokkrum skömmtum, hrærið vel og skafið niður á milli.
  4. Næst fer brætt Síríus suðusúkkulaði ásamt uppáhelltu kaffi í blönduna og blandið varlega saman á meðan þið eruð að hella því saman við og þeytið síðan vel.
  5. Að lokum má blanda þurrefnunum saman í skál og setja saman við í nokkrum skömmtum og blanda vel.
  6. Bakið í um 35 mínútur eða þar til prjónn kemur út með smá kökumylsnu á, ekki blautu deigi.
  7. Kælið kökuna alveg og takið upp úr forminu áður en þið setjið kremið á.

Mascarpone súkkulaðikrem og skreyting

  • 250 g mascarpone ostur
  • 80 g flórsykur
  • 20 g Síríus bökunarkakó
  • 240 ml rjómi
  • 250 g jarðarber
  • 100 g hindber
  • Ein lúka Síríus karamellukurl
  1. Blandið saman mascarpone osti, flórsykri og Síríus bökunarkakói og þeytið vel í hrærivélinni (með þeytaranum).
  2. Hellið rjómanum síðan varlega saman við og þeytið stutta stund áfram.
  3. Um leið og áferðin minnir á smjörkrem má slökkva á hrærivélinni (þetta tekur stutta stund) og smyrja kreminu yfir kælda kökuna.
  4. Toppið síðan með niðurskornum jarðarberjum, hindberjum og Síríus karamellukurli.
brownie kaka með mascarpone kremi

Síríus suðusúkkulaðið gerir brownie kökuna að því sem hún er, algjörlega ómissandi! Ég hugsa að ef það er eitthvað sem er alltaf til í mínum skápum þá er það suðusúkkulaði, smjör og rjómi….hahaha!

brownie með jarðarberjum

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun