Núðlusalat með hnetudressingu



⌑ Samstarf ⌑
Núðlusalat

Það eru aldrei til of margar uppskriftir af góðu salati! Ef janúar er ekki mánuðurinn til að koma með slíkar hugmyndir þá veit ég ekki hvenær!

Þetta núðlusalat er geggjað! Svo ferskt og brakandi gott um leið og það er mjög matarmikið, sem ég elska!

Hollt og gott salat

Núðlurnar og kjúklingurinn færa því góða fyllingu og mikið sem þetta var gott!

Hollar uppskriftir

Núðlusalat með hnetudressingu

Fyrir um 4-6 manns

  • 200 g eggjanúðlur
  • 1 pk. Ali Sous Vide kjúklingabringur með hvítlauk og smjöri (um 500 g)
  • 100 ml teriyaki sósa
  • 250 g gulrætur
  • 250 g rauðkál
  • 250 g agúrka (um ¾ af gúrku)
  • Romaine salat (einn haus)
  • ½ lime (safinn)
  • 1 lúka saxaður vorlaukur
  • 1 lúka saxað kóríander
  • 1 lúka saxaðar jarðhnetur
  • Ólífuolía
  • Hnetudressing (sjá uppskrift hér að neðan)
  1. Sjóðið eggjanúðlur eftir leiðbeiningum á pakka og kælið síðan alveg. Gott er að hella smá ólífuolíu yfir þær í sigtinu þegar þið takið vatnið frá og hrista inn í þær svo þær klessist ekki saman á meðan þær bíða.
  2. Skerið kjúklingabringurnar niður og hitið við meðalhita á smá ólífuolíu, hellið síðan teriyaki sósunni yfir og hitið saman í 1-2 mínútur. Slökkvið á hellunni og geymið kjúklinginn þar til setja á salatið saman.
  3. Skerið gulrætur, rauðkál og agúrku í fína strimla. Saxið niður romaine salat og kreistið safann úr hálfu lime yfir allt.
  4. Bætið kjúklingnum saman við og hluta af hnetusósunni og blandið öllu varlega saman.
  5. Toppið með vorlauk, kóríander og jarðhnetum eftir smekk ásamt meiri hnetusósu.

Hnetudressing

  • 6 msk. hnetusmjör
  • 2 msk. soyasósa
  • 3 msk. hunang
  • 2 msk. sesamolía
  • ½ msk. hvítvínsedik
  • 1 tsk rifið engifer
  • 3 hvítlauksrif (rifin)
  • Chilli- eða Cheyenne pipar (má sleppa)
  1. Pískið öll hráefni saman í skál og setjið á salatið eftir smekk.
sous vide kjúklingabringur í salatið

Þessar tilbúnu kjúklingabringur eru algjör snilld. Flýta fyrir eldamennskunni og hægt að setja í svo margar uppskriftir.

Salat með núðlum

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun