Kjötsúpa



⌑ Samstarf ⌑
hvernig eldar maður kjötsúpu

Það er fátt betra yfir haust- og vetrarmánuðina en góðar súpur! Ég geri allt of sjaldan súpu og þarf klárlega að herða mig í slíkri eldamennsku. Kjötsúpa er auðvitað algjör klassík og ég var dugleg að gera slíka þegar við vorum nýfarin að búa, síðan einhvern vegin líður bara tíminn og ég ekki gert slíka núna í einhver ár!

kjötsúpa uppskrift

Ég rúllaði yfir nokkrar kjötsúpuuppskriftir á netinu og hringdi síðan í mömmu til að fá hennar útfærslu staðfesta og þar með var þetta komið! Það er svosem ekki mikið hægt að breyta út af vananum ef maður vill gera ekta íslenska kjötsúpu en í stað þess að nota aðeins súpujurtir notaði ég TORO kjötsúpu og virkar hún sem dúndurgóður kraftur með kryddjurtum.

kjötsúpa uppskrift

Kjötsúpa uppskrift

Fyrir um 8 manns

  • 2-2,5 kg súpukjöt
  • 3 lítrar vatn
  • 700 g rófur (ein frekar stór)
  • 500 g gulrætur
  • 500 g kartöflur (8-10 stk)
  • ¼ hvítkálshaus
  • 1 laukur
  • 1 pakki TORO kjötsúpa
  • 50 g hrísgrjón
  • Salt og pipar
  1. Skolið kjötbitana og setjið í pott með vatninu. Setjið 2 teskeiðar af salti saman við og náið upp suðunni. Lækkið síðan niður í meðalhita, setjið lokið á og leyfið að sjóða í 40 mínútur á meðan þið undirbúið grænmetið. Fjarlægið froðuna sem kemur af kjötinu í upphafi suðu, yfirleitt hættir hún að koma eftir um 10 mínútur.
  2. Flysjið grænmetið og skerið í munnstóra bita.
  3. Takið kjötið upp úr pottinum að 40 mínútum liðnum og setjið grænmetið í pottinn, náið aftur upp suðunni og lækkið hitann síðan aftur niður í meðalhita.
  4. Bætið TORO kjötsúpunni og hrísgrjónunum einnig saman við og hrærið vel saman.
  5. Skerið kjötið af beinunum og fjarlægið mestu fituna. Skerið kjötið í munnbitastærð og setjið aftur í pottinn. Leyfið öllu að malla saman í um 30 mínútur og smakkið síðan til með salti og pipar.
TORO kjötsúpa

Ég elska rófur og gulrætur mest í kjötsúpu og setti því aðeins meira af því grænmeti en öðru, þið hins vegar getið leikið ykkur með magnið eftir því sem ykkur þykir best.

kjötsúpa með grænmeti

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun