Lambalæri í ofni með bernaise og grænmeti



⌑ Samstarf ⌑
Lambalæri uppskrift

Hér er á ferðinni páskalamb sem allir geta útbúið! Ekkert vesen og mjög einföld eldamennska, hentar byrjendum sem lengra komnum sem vilja ekki eyða allt of löngum tíma í eldhúsinu.

Lambakjöt eldun á læri

Það er alltaf klassískt að bjóða upp á lambalæri, hvort sem það er í sunnudagsmatnum eða um páskana.

Lambalæri uppskrift

Lambalæri í ofni með bernaise og grænmeti

Fyrir 5-7 manns

Lambalæri í ofni uppskrift

  • Lambalæri (um 2,5-3 kg)
  • Bezt á lambið krydd
  • 3 msk. smjör
  • Ólífuolía
  1. Hitið ofninn í 170°C.
  2. Þerrið lambið, berið síðan á það vel af ólífuolíu og kryddið með Bezt á lambið vel allan hringinn.
  3. Setjið í stóran steikarpott með loki og eldið í um tvær klukkustundir (fínt að miða við 45-60 mín á kílóið eftir því hvernig þið viljið hafa það eldað).
  4. Undirbúið grænmetið á meðan og setjið inn í ofninn þegar lærið hefur verið í honum í um klukkustund.
  5. Eftir tvær klukkustundir má hækka hitann í 220°C, taka lokið af og elda lærið (og grænmetið) áfram í um 15 mínútur.
  6. Leyfið lærinu síðan að hvíla í aðrar 15 mínútur áður en þið skerið í það.

Bakað grænmeti

  • 800 g kartöflur
  • 1 stór sæt kartafla
  • 300 g gulrætur
  • 1-2 rauðlaukar
  • 250 g sveppir
  • 3-4 hvítlaukar (heilir)
  • Ólífuolía
  • Bezt á flest hvítlauksblanda
  • Gróft salt + pipar
  1. Skerið allt grænmeti niður í bita og blandið saman á ofnskúffu.
  2. Setjið vel af ólífuolíu yfir og kryddið eftir smekk, bæði með Bezt hvítlauksblöndu, salti og pipar.
  3. Setjið inn í ofninn með lærinu þegar það hefur verið í honum í um klukkustund og eldið með restina af tímanum.
  4. Útbúið sósuna á meðan.

Bernaise sósa

  • 2 pk TORO bernaise sósa
  • 200 g smjör
  • 350 ml nýmjólk
  • 150 ml vatn
  • 2 tsk. estragon krydd
  • ½ tsk. cheyenne pipar
  • Salt og pipar
  1. Bræðið smjörið og hrærið sósuduftinu saman við.
  2. Bætið mjólk og vatni í pottinn og pískið vel saman, hitið að suðu og lækkið hitann þá alveg niður og leyfið að malla á meðan maturinn er í ofninum.
  3. Kryddið með estragoni, cheyenne pipar, salti og pipar eftir smekk.
Einföld bernaise sósa

Bernaise sósan frá TORO er skotheld og fljótleg ásamt því að vera ljúffeng!

Lamb og bernaise

Ofnbakað grænmeti og bernaise sósa, það þarf ekkert að vera flóknara en það!

Hvernig á að elda lambalæri

Mmmm…..

Gott krydd á lambakjötið

Bezt á lambið kryddið hentar fullkomlega fyrir lambalæri, það þarf ekkert annað krydd.

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun