Bröns heima í stofu



⌑ Samstarf ⌑
beikon og eggjamuffins

Páskarnir nálgast óðfluga og þá er tilvalið að gefa sér tíma til að bjóða sínu besta fólki í góðan bröns! Það er svo notalegt að sitja saman og borða góðan mat og upp úr hádegi er sniðugt að bjóða upp á bröns og sitja að snæðingi fram að kaffitíma, tíhí!

Hér útbjó ég beikon- og eggjamuffins sem eru stjarnan á borðinu en síðan er svo margt einfalt sem hægt er að útbúa svo það fylgja nokkrar góðar hugmyndir hér með!

beikon og egg

Bröns heima í stofu

Fyrir 6 manns

  • 6-10 x beikon- og eggjamuffins (sjá uppskrift að neðan)
  • 2 pk. Ali beikon
  • 6 x croissant
  • 1 pakki silkiskorin skinka frá Ali
  • 6 sneiðar gouda ostur
  • Grísk jógúrtskál (grísk jógúrt að eigin vali, smá hlynsýróp, musli, kókosflögur, jarðarber, smá suðusúkkulaði)
  • Ávextir í skál (melóna, kiwi, jarðarber, bláber, appelsína)
  1. Steikið beikonið sem ekki á að nota í beikon- og eggjamuffins þar til það er stökkt.
  2. Útbúið beikon- og eggjamuffins.
  3. Setjið skinku og ost á croissant.
  4. Raðið saman í gríska jógúrtskál.
  5. Skerið niður ávexti.

Beikon- og eggjamuffins uppskrift

  • 6-10 Ali beikonsneiðar
  • 6-10 egg
  • Matarolíusprey
  • Salt, pipar, chilliflögur
  1. Hitið ofninn í 200°C.
  2. Leggið beikonsneiðarnar á eldhúspappír á disk og setjið tvær arkir af pappír ofan á.
  3. Setjið í örbylgjuofn á hæstu stillingu í 2 ½ mínútu og fjarlægið þá pappírinn.
  4. Spreyið muffinsform úr áli að innan með matarolíuspreyi, setjið eina beikonsneið í hring í hvert hólf og brjótið eggið síðan í þá holu. Beikonið á að mynda nokkurs konar vegg í kringum eggið.
  5. Bakið í ofninum í 12-15 mínútur eftir því hversu vel þið viljið hafa eggið steikt.
  6. Losið með beittum hníf allan hringinn og lyftið síðan upp úr forminu, kryddið með salti, pipar og smá chilliflögum.
hádegismatur

Beikon stendur alltaf fyrir sínu og ég segi að það sé aldrei of mikið beikon í lífinu!

páskabröns

Alltaf gott að hafa ferska ávexti með í bröns og ég elska grískar jógúrtskálar líka!

kanínu servíettubrot

Gaman er að brjóta tauservíettu upp í kringum lítið súkkulaðiegg sem páskaskreytingu.

bröns heima í stofu

Mmmm….

hádegismatur hugmyndir

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun