Flamberuð ostakaka



⌑ Samstarf ⌑
góð ostakaka uppskrift

Ostakökur eru svo góðar og alls ekki erfitt að útbúa. Þær geymast vel í kæli og ég skil ekki af hverju ég útbý ekki oftar slíkar.

ostakaka frá himnum

Þessi hér var dásamlega góð, skúkkulaðifylling með karamellu- og lakkrískeim og flamberaði marengstoppurinn var eins og risa sykurpúði til að fullkomna þetta allt!

súkkulaði ostakaka uppskrift

Flamberuð ostakaka uppskrift

Botn

  • 200 g súkkulaði kremkex/Oreo
  • 60 g smjör
  1. Setjið kexið í matvinnsluvél/blandara og blandið saman þar til áferðin minnir á sand.
  2. Bræðið smjörið og blandið kexmylsunni saman við það í skál.
  3. Setjið bökunarpappír í botninn á um 20cm smelluformi, spreyið að innan með matarolíuspreyi og hellið kexblöndunni þar ofan í, þjappið í botninn og aðeins upp á kantana.
  4. Kælið á meðan þið útbúið ostakökufyllinguna.

Ostakökufylling

  • 4 gelatínblöð (+ 50 ml vatn)
  • 500 g rjómaostur við stofuhita
  • 150 g sykur
  • 200 g Síríus suðusúkkulaði (brætt)
  • 1 tsk. vanillusykur
  • 250 ml þeyttur rjómi
  • 1 ½ poki af Panda karamellu lakkrískúlum (saxaðar niður)
  1. Leggið gelatínblöðin í bleyti í kalt vatn í um 5 mínútur (til að mýkja þau upp).
  2. Sjóðið næst 50 ml af vatni og vindið gelatínblöðin út í það, eitt í einu og hrærið vel í á milli.
  3. Þegar blöðin eru uppleyst má hella blöndunni yfir í skál og leyfa að ná stofuhita á meðan annað er undirbúið.
  4. Bræðið suðusúkkulaðið og leyfið því einnig að ná stofuhita.
  5. Þeytið saman rjómaost og sykur þar til létt blanda myndast.
  6. Bætið vanillusykri saman við og næst bræddu súkkulaði og svo gelatínblöndunni.
  7. Að lokum má setja saxaðar Pandakúlur í skálina og blanda varlega saman við með sleif, hellið næst ofan á kexbotninn í smelluforminu og sléttið vel úr.
  8. Kælið í að minnsta kosti 3 klukkustundir eða yfir nótt áður en þið setjið flamberaða toppinn ofan á.

Flamberaður toppur

  • 3 eggjahvítur
  • 170 g sykur
  • ½  tsk. Cream of tartar
  • 1 tsk. vanilludropar
  • ¼ tsk. salt
  1. Þeytið eggjahvítur og Cream of tartar þar til þær fara aðeins að freyða.
  2. Bætið sykrinum saman við í litlum skömmtum, þeytið vel á milli, þeytið alls í um 5 mínútur.
  3. Bætið vanilludropum og salti saman við alveg í lokin og þeytið stutt áfram.
  4. Setjið ofan á ostakökuna og notið brennara til að „flambera“ toppinn (það má samt líka sleppa því að flambera ef þið eigið ekki slíkan).
lakkrískúlur með karamellusúkkulaði

Mmmm….þessar karamellu- lakkrískúlur eru svo góðar!

ostakaka uppskrift

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun