Kryddlegin nautaspjót með chimichurri



⌑ Samstarf ⌑
chimichurri uppskrift

Ég ætla að trúa því að sumarið hér á höfuðborgarsvæðinu sé handan við hornið! Hér kemur ein dásamleg uppskrift sem ég mæli með að þið prófið og það má sannarlega alltaf grilla hvort sem það er sól, rigning eða snjór!

Nautakjöt á grillið

Kryddlegin nautaspjót með chimichurri

Fyrir 4-5 manns

  • Um 900 g ungnautafile (annað svipað nautakjöt)
  • 6 msk. Caj P original grillolía
  • 6 msk. Caj P hvítlauks grillolía
  • Chimichurri (sjá uppskrift að neðan)
  • Rósmarínkartöflur (sjá uppskrift að neðan)
  • Ristaðar furuhnetur
  • Klettasalat
  1. Skerið nautakjötið í þunnar ílangar sneiðar (um ½ cm á þykkt) og leggið í skál með grillolíunum. Blandið öllu vel saman og leyfið að standa eins lengi og hægt er. Það má samt alveg grilla samstundis en bragðið verður enn betra ef kjötið fær aðeins að hvíla í leginum, þessvegna yfir nótt.
  2. Hitið grillið upp í háan hita, þræðið nautakjötið upp á tein og grillið. Gott er að nota smá Pam matarolíusprey á hreint grillið, hafa það við háan hita og grilla kjötið stutt á hvorri hlið eða eftir því hversu vel þið viljið hafa það eldað.
  3. Setjið klettasalt á fat, raðið nautaspjótunum ofan á, setjið vel af chimichurri yfir ásamt furuhnetum og berið fram með rósmarínkartöflum.

Chimichurri uppskrift

  • 200 ml jómfrúarolía (virgin olive oil)
  • 2 msk. rauðvínsedik
  • 1 búnt steinselja (í potti)
  • ½ búnt kóríander (í potti)
  • 3 hvítlauksrif
  • 1 skalottlaukur
  • 1 rautt chilli
  • ½ sítróna (safinn)
  • 2 msk. oregano krydd
  • Salt og pipar eftir smekk
  1. Saxið allt mjög smátt (steinselju, kóríander, hvítlauk,lauk og chilli).
  2. Setjið önnur hráefni saman við og blandið vel saman, saltið og piprið eftir smekk og geymið í kæli fram að notkun.

Rósmarínkartöflur uppskrift

  • 700 g soðnar kartöflur
  • 100 g smjör
  • 2 msk. rósmarín (ferskt – saxað)
  • Salt, pipar, hvítlauksduft
  1. Bræðið smjörið og bætið soðnum kartöflum á pönnuna.
  2. Kryddið eftir smekk og steikið við meðalháan hita þar til þær fara aðeins að brúnast.
naut og chimichurri

Caj P grillolían gerir allan grillmat betri!

grillmatur

Mmmm…

Grillspjót

Þessi færsla er unnin í samstarfi við Gerum daginn girnilegan!

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun