Pönnukökukaka



⌑ Samstarf ⌑
Pönnukökur uppskrift

Íslenskar pönnukökur eru sívinsælar. Við bökum reglulega slíkar og sitt sýnist hverjum með fyllingar, sumir vilja sykur, aðrir rjóma, enn aðrir súkkulaði og allt þar á milli. Hér er ég búin að taka mitt uppáhald, jarðarber og súkkulaði og blanda saman við rjómafyllingu og útkoman var alveg hreint stórkostleg!

Það má einnig raða pönnukökunum bara beint ofan á hvor aðra á disk þar til nokkuð hár stafli með fyllingum hefur myndast en mig langaði að prófa að fóðra hana alveg að utan með pönnukökum eftir að hafa séð svipað myndband á netinu um daginn.

þunnar pönnukökur

Pönnukökukaka uppskrift

Pönnukökur uppskrift

  • 400 g hveiti
  • 40 g sykur
  • 1 tsk. lyftiduft
  • ½ tsk. matarsódi
  • ½ tsk. salt
  • 900 ml nýmjólk
  • 100 g brætt smjör
  • 4 egg (pískuð)
  • 4 tsk. vanilludropar
  1. Hrærið  hveiti, sykri, lyftidufti, matarsóda og salti saman í skál.
  2. Blandið um ¾ af mjólkinni saman við og hrærið þar til kekkjalaust.
  3. Bætið þá bræddu smjöri, eggjum og vanilludropum út í og hrærið áfram vel, skafið niður á milli.
  4. Að lokum má svo setja restina af mjólkinni saman við og hræra vel.
  5. Steikið síðan þunnar kökur á pönnukökupönnu og leyfið aðeins að kólna niður áður en þið raðið kökunni saman.

Fylling í pönnukökuköku

  • 750 ml rjómi frá Gott í matinn
  • 3 tsk. flórsykur
  • 1 tsk. vanillusykur
  • 200 g jarðarber
  • 200 g Nutella
  • Jarðarber til skrauts
  1. Þeytið rjómann ásamt flórsykri og vanillusykri þar til hann er stífþeyttur.
  2. Stappið jarðarberin gróft og blandið saman við rjómann.
  3. Hitið Nutella aðeins í skál svo auðveldara verði að dreifa því yfir með skeið.
  4. Setjið eina pönnuköku í botninn á um 20 cm smelluformi.
  5. Næst setjið þið 4 pönnukökur á kantinn á forminu svo þær nái yfir kökuna á botninum, innan á allan kantinn og hangi fram af að utanverðu (c.a jafn mikið báðu megin).
  6. Smyrjið næst þunnu lagi (um ½ cm) af rjóma á botninn, dreifið smá Nutella yfir og setjið næstu pönnuköku ofan á.
  7. Endurtakið þar til síðasta pönnukakan er orðin jafn há forminu sem þið notið.
  8. Náið þá í kökudisk og leggið ofan á formið á hvolfi, snúið við með því að halda fast við kökuformið og losið síðan smelluna og fjarlægið formið utan af kökunni.
  9. Toppið með smá rjóma, Nutella og ferskum jarðarberjum.
upprúllaðar pönnukökur með rjóma, sultu sykri

Þetta var ofureinfalt og skemmtilegt að bera pönnukökur fram á þennan hátt! Uppskriftin gefur um 25 pönnukökur en það þarf aðeins um 12-14 stykki í kökuna sjálfa svo hinar má til dæmis rúlla upp með sykri fyrir þá sem ekki vilja rjóma.

Pönnukökur uppskrift

Skildu eftir svar

Netfang þitt verður ekki birt. Nauðsynlegir reitir eru merktir *

Flokkar

0
    0
    Karfan þín
    Karfan er tómNetverslun