Ég hef ansi lengi ætlað að gera útfærslu af karamellueplum og ekki spyrja mig af hverju ég hef ekki prófað það fyrr! Þetta er ofur einfalt og ó svo ljúffengt!
Mmmm….
Karamellu epli með hnetum
Uppskrift dugar fyrir 5 epli
- 5 græn epli
- 320 g Werther‘s Cream Toffees karamellur
- 2 msk. rjómi
- 100 g hakkaðar heslihnetur
- 5 íspinnaprik/önnur prik til að stinga í eplin
- Skolið og þerrið eplin vel, leggið til hliðar.
- Setjið karamellur og rjóma saman í skál og bræðið við meðalháan hita í örbylgjuofni. Gott er að bræða þær í um 20 sekúndur í senn og hræra á milli þar til fljótandi karamella hefur myndast.
- Hellið heslihnetunum á disk, stingið pinna í eplin, dýfið þeim í karamelluna og setjið karamellu upp á hliðarnar með skeið, rúllið síðan upp úr heslihnetunum og leggið á bökunarpappír.
- Karamellan tekur sig nokkuð fljótt en best er að geyma eplin í kæli eigi ekki að njóta þeirra strax.
Þessar karamellur eru svo góðar, bráðna í munni og passa svo vel með grænu eplinu!
Þessi færsla er unnin í samstarfi við Gerum daginn girnilegan!
