Það fer ansi vel saman að setja góðan ís ofan á volga súkkulaðibitaköku og bera fram sem eftirrétt. Hér getur hver og einn fengið sína köku og síðan skammtað sér ís og súkkulaðisósu að vild.
Volg smákaka með hátíðarís
Uppskrift gefur 7 kökur
- 1 x Betty Crocker smákökumix
- 50 g smjör við stofuhita
- 1 msk. vatn
- 30 g súkkulaðidropar
- Hátíðarís frá Emmessís
- Súkkulaði- núggatsósa (sjá uppskrift að neðan)
- Karamellukurl
- Hitið ofninn í 160°C (blástur).
- Blandið Betty Crocker mixi saman við smjör og vatn og hrærið þar til þykkt deig myndast.
- Blandið þá súkkulaðidropunum saman við með sleif.
- Rúllið kúlu úr kúfaðri matskeið og raðið á bökunarplötu með gott bil á milli.
- Bakið í 12-18 mínútur eftir því hversu stökkar þið viljið hafa kökurnar.
- Setjið köku á disk og góða ískúlu af hátíðarísnum yfir og því næst súkkulaðisósu og meira karamellukurl.
Súkkulaði- núggat sósa
- 100 g dökkt súkkulaði
- 40 g núggat
- 70 ml rjómi
- Setjið allt saman í pott og bræðið saman við meðalháan hita þar til kekkjalaus sósa hefur myndast.
Hátíðarísinn frá Emmessís er góður einn og sér en enn betri með heitri súkkulaði- og núggatsósu og volgri smáköku.
Betty Crocker einfaldar sannarlega lífið og það tekur enga stund að útbúa þennan dásamlega eftirrétt.
