Hér kemur uppskrift úr Brauðréttabók Hagkaupa sem ég hef átt í rúmlega 20 ár! Ég elska að fletta í þessum gömlu bókum og rifja upp nostalgíuna. Þessi pastaréttur fór með mig í huganum aftur í Hamravíkina okkar þar sem ég gerði þetta pasta fyrir hvert einasta afmæli á sínum tíma. Ég ætla að reyna að vera dugleg að gera fleiri uppskriftir úr þessum bókum því það er svo gaman.
Einfalt og æðislega gott!
Léttur pastaréttur í brauði
- 500 g DeCecco penne pasta
- 3 msk. Filippo Berio rautt pestó
- 150 g grilluð paprika úr krukku
- 3-5 sólþurrkaðir tómatar
- ½ krukka fetaostur
- 1 lúka ristaðar furuhnetur
- Filippo Berio virgin ólífuolía
- Salt og pipar
- Kringlótt stórt brauð
- Sjóðið pasta samkvæmt leiðbeiningum á pakka, kælið og setjið smá virgin ólífuolíu yfir og blandið vel.
- Næst má blanda pestóinu saman við pastað og skera niður tómata og papriku.
- Blandið síðan tómötum, papriku, fetaosti og furuhnetum saman við pastað og kryddið með salti og pipar eftir smekk.
- Holið stórt brauð að innan til að bera pastað fram í eða setjið í skál.
- Réttinn má snæða bæði heitan eða kaldan.
Í Hagkaupsbókinni er reyndar notað DeCecco rigatoni svo að sjálfsögðu megið þið skipta penne út fyrir slíkt ef þið viljið heldur.
Pestó pasta + rósavín er fullkomin tvenna.
Þessi færsla er unnin í samstarfi við Gerum daginn girnilegan!
