Ég rakst á svipaða hugmynd á dögunum og það var eitthvað sem fékk mig til að vilja prófa. Þetta kom svona skemmtilega á óvart og var alveg hrikalega gott. Lykilatriði er að krydda kotasælublönduna svolítið vel og baka hana lengur en þið haldið.
Kotasæluvefja með pestó og burrata
Uppskrift dugar í eina vefju eða fyrir 1-2 manns
Kotasæluvefja uppskrift
- 1 lítil dós kotasæla (200g)
- 1 egg
- ½ tsk. salt
- ½ tsk. hvítlauksduft
- ½ tsk. basilkrydd (þurrkað)
- Smá pipar
- Hitið ofninn í 180°C.
- Setjið öll hráefnin í blandara og blandið vel.
- Takið til um 20 x 20 cm eldfast mót/bökunarform og klæðið það með bökunarpappír.
- Spreyið botninn með matarolíuspreyi.
- Hellið kotasælublöndunni yfir og dreifið vel úr.
- Bakið í 25-30 mínútur þegar þar til yfirborðið er orðið vel gyllt/bakað).
- Kælið í um 5 mínútur áður en þið setjið áleggið yfir og rúllið upp.
Álegg fyrir kotasæluvefju
- 2-3 tsk. ferskt pestó
- 1 tómatur
- 1 lítið avókadó
- 1 lúka basilíka
- 1 x burrata kúla
- Balsamikgljái
- Smyrjið pestó yfir allan botninn.
- Skerið tómatinn í þunnar sneiðar og dreifið úr honum.
- Setjið næst avókadóbita og basilíku yfir tómatana.
- Rífið þá niður burrata kúluna og rúllið síðan öllu upp, skerið í tvennt og toppið með balsamikgljáa.
