Sælgætistertubollur

Þegar ein af uppáhalds kökunum þínum breytist í bollu! Útkoman er ekkert annað en stórkostleg!

View this post on Instagram

A post shared by Gotterí og gersemar (@gotterioggersemar)

Slurp!

Um 20 stk

Hitið ofninn í 110°C.
Stífþeytið eggjahvítur og sykur og sprautið í litla hringi á bökunarpappír. Best er að gera hringina svipað stóra og bollurnar og hafa í huga að hvorutveggja stækkar aðeins við bakstur.
Bakið í 50 mínútur og leyfið síðan að kólna.

Hitið ofninn í 180°C.
Blandið hveiti, lyftidufti og salti saman í skál og leggið til hliðar.
Pískið eggin í skál, vigtið og geymið. Ef eggin eru lítil gæti þurft aðeins meira en 3 egg.
Hitið vatn og smjör saman í potti þar til smjörið bráðnar og leyfið aðeins að sjóða, slökkvið þá á hellunni.
Setjið þurrefnin saman við og hrærið vel þar til „smjörbolla“ myndast.
Færið þá deigið yfir í hrærivélarskálina og hrærið rólega með K-inu þar til mesti hitinn er farinn út því.
Bætið eggjunum saman við í nokkrum skömmtum og hrærið áfram saman.
Setjið þá kúfaða matskeið á bökunarpappír fyrir hverja bollu (ég nota litla ísskeið) og bakið í 30-35 mínútur eða þar til bollurnar verða vel gylltar. Alls ekki opna ofninn til að kíkja á þær/botninn fyrr en í fyrsta lagi eftir 25 mínútur því þá eru meiri líkur á því að þær falli.
Leyfið bollunum að kólna, skerið þær í sundur og fyllið.

Þeytið saman eggjarauður og flórsykur þar til létt og ljóst.
Bætið þá 100 g af bræddu suðusúkkulaði saman við og vefjið saman með sleikju.
Blandið næst um 350 ml af þeytta rjómanum saman við með sleikju og setjið í sprautupoka með stórum hringlaga stút.
Restin af þeytta rjómanum fer síðan í annan eins sprautupoka (líka hægt að notast við skeið).
Raðið bollunum saman: Botn, rjómi, súkkulaðikrem, marengs, rjómi, súkkulaðikrem, toppur og svo skreytt með smá bræddu súkkulaði.
Best er að geyma bollurnar í kæli í að minnsta kosti 3-4 klukkustundir áður en þeirra er notið til að marengsinn sé búinn að mýkjast aðeins upp.