Þegar við vorum í skíðaferð í Sölden í febrúar var ansi oft keypt gúllassúpa í hádeginu. Ég hafði aldrei útbúið slíka en sannarlega keypt í skíðaferðum svo mér fannst kominn tími til að prófa þetta. Útkoman var dásamleg og þessi uppskrift verður sannarlega útbúin oftar hér á þessu heimili í framtíðinni!
Holl, matarmikil og góð!
Gúllassúpa eins og í Austurríki
Fyrir 4-5 manns
- 800 g nauta innlæri/annað svipað
- 1 x laukur (saxaður)
- 3 hvítlauksrif
- 250 g gulrætur (niðurskornar)
- 500 g litlar kartöflur
- 2 msk. Hunt‘s tómat paste
- 2 msk. ungverskt paprikukrydd (eða sætt paprikuduft)
- 50 ml Muga rauðvín
- 1 l vatn
- 3 msk. Oscar fljótandi nautakraftur
- 2 lárviðarlauf
- Salt og pipar
- Ólífuolía
- Maizenamjöl
- Skerið kjötið niður í munnstóra bita, steikið upp úr ólífuolíu, kryddið með salti og pipar, færið yfir á disk þegar það hefur brúnast og vökvinn gufað upp.
- Notið sömu pönnu áfram, ekki skola á milli. Bætið ólífuolíu á hana og steikið laukinn þar til hann fer að mýkjast.
- Bætið þá gulrótum á pönnuna og rífið niður hvítlaukinn. Kryddið með paprikukryddinu, salti, pipar, tómat paste og blandið öllu saman stutta stund.
- Hækkið þá hitann aðeins og hellið rauðvíninu út á grænmetið, leyfið því að gufa upp að mestu og bætið þá vatni, krafti og lárviðarlaufum saman við. Þykkið með maizena eftir smekk (ég notaði 3-4 msk).
- Skerið kartöflurnar niður og bætið þeim í pottinn ásamt steiktu kjötinu, blandið saman, lækkið hitann og leyfið að malla að lágmarki í 40 mínútur eða þar til kartöflur og gulrætur mýkjast.
- Smakkið til og kryddið eftir smekk.
Ég elska þennan kjötkraft og nota hann í nánast alla matargerð!
Namm!
Þessi færsla er unnin í samstarfi við Gerum daginn girnilegan!
