Ef þig langar að mæta með eitthvað nýtt í brönsinn þá er þessi eggjabaka hér guðdómleg! Fullkomin líka fyrir komandi páska-frídaga og í raun mætti þetta líka verða hádegis- eða kvöldverður!
Namm!
Croissant eggjabaka
- 4 croissant (klassísk – ófyllt)
- 12 egg
- 250 ml rjómi
- 2 msk. Dijon Sinnep Old style
- 80 g rifinn piparostur
- 80 g rifinn ostur
- 200 g skinka
- 6 beikonsneiðar (stökkar)
- 3 msk. graslaukur + meira til skrauts
- 1 tsk. paprikuduft
- 1 tsk. hvítlauksduft
- 1 tsk. salt
- ½ tsk. pipar
- Hitið ofninn í 200°C.
- Skerið croissant stykkin niður í munnstóra bita og setjið í botninn á eldföstu formi.
- Pískið saman egg, rjóma, dijon sinnep og krydd.
- Skerið niður skinku og saxið graslauk, blandið saman við ásamt báðum tegundum af rifnum osti.
- Hellið yfir croissant bitana, saxið beikonið niður og dreifið úr því yfir blönduna ásamt smá meiri graslauk.
- Bakið bert í 20 mínútur, leggið þá álpappír laust yfir og bakið áfram í 15 mínútur.
- Leyfið bökunni aðeins að standa og njótið síðan.
Sinnepið kemur með punktinn yfir i-ið þegar kemur að fyllingunni!
Ég sá svipaða útfærslu hjá Tatyana’s Everyday Food og mátti til með að útbúa mína útfærslu af svona dásemd.
