Við fjölskyldan elskum mat með asísku yfirbragði. Hér er á ferðinni kóreskur kjúklingur í hollari kantinum þar sem hann er ekki í hveitihjúp né djúpsteiktur. Svo góður að hann kláraðist upp til agna!
Fljótlegur og góður réttur!
Kóreskur kjúklingaréttur
Fyrir 4-5 manns
- 2 x poki af Rose Poultry kjúklingalundum (2 x 700 g)
- 10 msk. soyasósa
- 7 msk. hunang
- 6 msk. hrísgrjónaedik
- 6 msk. púðursykur
- 3 msk. sesamolía
- 2 msk. Sriracha sósa
- 2 msk. rifið engifer
- 1 msk. rifinn hvítlaukur
- Vorlaukur
- Sesamfræ
- 5 pokar Tilda Boil in bag Basmati hrísgrjón
- Ólífuolía
- Salt, pipar og hvítlauksduft
- Byrjið á að skera kjúklinginn í litla bita og steikja upp úr ólífuolíu, salti, pipar og hvítlauksdufti, leggið til hliðar.
- Sjóðið nú hrísgrjónin samkvæmt leiðbeiningum á pakka og útbúið sósuna fyrir kjúklinginn á meðan.
- Setjið soyasósu, hunang, hrísgrjónaedik, púðursykur, sesamolíu, Sriracha sósu, engifer og hvítlauk í pott.
- Náið upp suðunni, lækkið þá hitann og leyfið að malla í 5-10 mínútur áður en þið hellið yfir kjúklinginn.
- Berið kjúklinginn fram með hrísgrjónum, vorlauk og sesamfræjum.
Ég nota alltaf grjónin í pokunum frá Tilda nema þegar ég geri grjónagraut! Svo svakalega þægilegt að miða magnið við einn poka á mann, stilla á 12 mínútur og allt klárt, ekkert vesen!
Þessi færsla er unnin í samstarfi við Gerum daginn girnilegan!
