Regína vinkona mín sagði mér fyrir löngu að hún elskaði Croissant á Te&Kaffi með jalapeño rjómaosti og avókadó. Ég setti þessa hugmynd eðlilega á listann minn. Síðan koma alltaf nýjar hugmyndir upp og ég gleymi listanum góða þar til annað slagið líkt og nú. Hér hafið þið því þessa nema ég breytti henni í extra lúxus croissant sem var undursamlegt!
Verðið að prófa!
Morgunverðar-croissant með jalapeño rjómaosti
Uppskrift fyrir 2 stk
- 2 x smjördeigs croissant
- 100 g Philadelphia rjómaostur original
- 1 msk. saxað jalapeño úr krukku
- 4 stökkar beikonsneiðar
- 3 egg
- 1 x avókadó
- Klettasalat
- Blandið rjómaosti og jalapeño saman og leggið til hliðar.
- Hitið beikonið í ofni þar til það er stökkt og setjið croissant stykkin inn í ofn í um 2 mínútur í lokin.
- Pískið eggin saman og steikið á meðan á lítilli pönnu á báðum hliðum, skerið eggjakökuna í tvennt áður en þið setjið hana á brauðið.
- Smyrjið á efri og neðri hluta á croissant stykkjunum með rjómaostinum.
- Setjið klettasalat á botninn, næst eggjakökuna, niðurskorið avókadó, beikon og lokið ofan á.
Namm, þetta er nokkrum númerum of gott!
Þessi færsla er unnin í samstarfi við Gerum daginn girnilegan!
